Niyu-Yorkədə Zərif de 30 qılə xarıci rəsmi şəxson mıloğatış kardə, İroni ətomiyə təvafuği barədə ijən muzakirə karde ni bəbe.
-
İroni ətomiyə təvafuği barədə ijən muzakirə karde imkanış ni.
İroni xarıci vəzir Niyoyorkədə de 30 qılə xarıci rəsmi şəxson mıloğat kardeku xəbəş do ijən votışe: xarıci rəsmi şəxson qırd bə ətomiyə təvafuği oqəte ijən çəy barədə muzakirə nıkarde təkid kardışone.
İroni xarıci vəzir Muhəmməd Cəvad Zərif zinə şəv Niyoyorkədə ıştə rəsmi mıloğaton oxoyədə bə İrna aqentiyəti votışe: de 30 qılə xarıci rəsmi şəxson mıloğat karde cərəyonədə 2 tərəfiyə mıvzoon, məntəğə və dınyo bohranon, Suriyə və Yəmənədə mısılmonon və daxıliyə vəziyət həmçınin çı Myanma avarə bıə mısılmonon bıvəcə vəziyəti barədə sohbət kardımone.
Zərif təkidış karde de insonə həxon təşkilaton rəsmi şəxson iyən İ bıə Milləton Bəşər Humanitarə Kamissiya yolon mıloğat karde cərəyanədə çı Myanma, Suriyə və Yəməni barədə ciddiyə muzakiron əncom bıə.
İroni xarıci vəzir təsdiğış karde: İjən de i bıə milləton təşkilati sədr, çın təşkilati umumiyə icma rəis, bəzi təhğiğiyə mərkəzon yolon, eltiyaon iyən xarıci rəsmi şəxson mıloğat karde çəmə bərnomədəy.
