İronıjə varzışkor dınyo ştanq rost karde ğəhrəmanəti çempiyonatədə ğızıl nışonə kəsbış kardə.
-
Əli Haşımi.
İroni cıvonə varzışkor Əli Haşımi dınyo ştanq rost karde ğəhrəmanəti çempiyonatədə ijən 105 kilo hissədə i zərb və cəm baxşədə ğızıl nışonə kəsbış kardə.
Bə İrna raporti əsos Əli Haşımi çı Asiya ştanq rost karde ğəhrəmanəti nığə və bırınc midali xıvand bıə varzışkor i zərb hissədə 183 kilo qerəm vəznə rostış kardə ijən ğızıl nışonə kəsbış kardə.
Haşımi 2 zərb baxşədə de 215 kilo vəznə rostış karde və bırınc nışonə kəsbış kardə ijən cəm hissədə de 404 kilo rekordi muvəffəğ bıə dınyoədə ğəhrəman bıbu.
De tərtibi Sohrab Moradi bəpeştə ısət Əli Haşmi həm Amerkədə bıə ştanqist rost karde ğəhrəmanəti çempiyonatədə çı İroni 2 minə ğızıl nışonə bə dastış vardə.
Həmçınin 94 kiloədə Seyed Əyyub Musəvi 2 zərb və məcmuədə bırınc iyən 85 kilo dastədə Kiyanuş Rostəmi i zərb baxşədə çı dınyo çempiyonati nığə midali kəsbışon kardən.
