İslomi İnğılobi səbarzəti bədiqə İoni millət bə deşmınon iyən bəştə nodırıstə məğsədon rəsey xoto har qıləy cinoyəti bə vırə rosnə dastəon nomərdə həmləon məruz mandin və əvon hətto bə addi məxloği həm rəhmışon nıkarde.çın terroron dıjdə i baxş de mınofiğon terroristə dastə unsuron vositə bə əməl ome.

Mınofiğon terroristə qrup 1979-ə soriku de tosə 1981-ə sori inğılobi ğıvvon,məsul şəxson və milləti dastəon terror kardey koşon bəştə ehdəşon peqəte.çəvon terroristə hərəkətonku qıləyni 1360-ə Həşi sori Tir manqi 7-ə ruji 1981-ə sori İyunə manqi 27-ə ruji bə əməl ome.bın terroristə vağeyədə,Tehronədə İslomi Respublikə Partiyə iştimoyi salonədə bə qıləy zumandə bombə tıpıney vositə  kişvəri Ali Məhkəmə rəyis Seyd Məhəmməd Huseyni Beheşti  de kişvəri 72 qılə co məsul şəxson bə ico,min cumlə çoqlə vəzir, 12 qılə vəziri muavin və təxminən 30 qılə məclisi nımoyəndə, bə şəhodət rəsin.

Çandə manq bəpeştə həm şəhrivərə manqi həştədə həm 1981-ə sori avqustə manqi 29-ədə  de qıləy terroristə tıpemoni vostə məmləkəti prezdent Muhəmməd Əli Rəcayi və iminə vəzir Məhəmməd Cəvad Bahunər bə şəhodət rəsin.

Ironi millət çı terrorizmi ğıboni bıə və  17 həzo nəfər beqınoə millət,de ğərbi vositə himoyə bıə terrorizmi ğıboni bıən.de terrorizmi mıborizə bardey iddioədə bıə Amerkə iyən kali Avropə kişvəron nəzəku, mınofiğon İroni millətiku 12 həzo nəfərisə veyə insonon terror kardeşone,boəvon hiç qıləy əhəmiyyətış ni.

Amerkə de həmonə nəzə ıştə çəşonış bə mınofiğon jıqo terroristə hərəkəton vi kardəşone və əvonışon çı himoyə jiyədə ğərolışon doə.Amerkə milli əmniyyət şurə sabiğ uzv və çı mınofiğon dastə əslə himoyə doronku qıləyni Reymond Tanter ki,çəvon nomış çı terroristə qrupon listiku xaric kardeşe və voteşe: ”əvon (mınofiğon) bo Amerkə İbıə Ştaton bə İroni ələyh bıə canqi plan və sankiyəonsə vey çokə alternativ və varyante”.

Amerkə və bəzi Avropə məmləkəton deməkə ki,zınedən çın terroritə qrupon dast bə çandə həzo beqınoə insonon terror və bəçəvon xuni ğəlton  kardəşone.əmmo,çoko ki,mınofiğon çı İroniku vitin,əvonışon himoyə karde.mınofiğon i mıddət Fransədə mandin və de məcburi canqi bino bıey,bə İraği sərzəmini daxil bin və  de Səddami rejimi bə ico bə İroni ərazi təcavuz kardeşone.