921-ə hissə- Zuxrufi surə -85-89 şərifə ayəon

921-ə hissə

وَتَبَارَکَ الَّذِی لَهُ مُلْکُ السَّمَاوَاتِ وَالأرْضِ وَمَا بَیْنَهُمَا وَعِنْدَهُ عِلْمُ السَّاعَةِ وَإِلَیْهِ تُرْجَعُونَ ﴿٨٥﴾

Bərəkətin(və barzə məğami soyb)ə Kəse ki, osmonon, zəmin iyən çəvon miyono bıə çiyon hukmdorəti iyən ğıyomətiku aqahəti bəy məxsuse və şımə bəçəy səmt oqordıney bəbiyon.

Vəynə proqramədə Xıdovəndi uluhiyyətiku sıxan bə miyon ome ki, hestemoni aləmədə ğərəz Əv ikəs ya qıləy çi bo pərəstışiro ləyoğətış ni.çı osmoniyə məlayikon iyən zəmini dimisə bıə insonon həyğiyə məbud fəğət bəy məxsuse.

In ayə hamyedə: çın ibodət iyən pərəstışi dəlil ıme ki, qırd hestemoni aləm çəy ixtiyori jiyədəy. Əv bə osmonon, zəmin iyən çəvon miyono bıə çiyon hukmdorəti kardedə və sıvoy Əv bın aləmədə hiçki hukmdor ni. Əv çı həmmə şeyon iyən bəvon hakim bıə çiyon Xalığe.

Nəyinki, dınyo bəlkəm ğıyomət həm çəy ğudrəti dastədəy. fəğət Əv çı ğıyoməti zəmoniku xəbədoye.maqi bəpeştə həmmə kəs bəçəy tərəf obəqardeyn və şımə deəy koon heste. çən, ikəs ki,dınyo iyən axırəti hərəbaxtətiş piyedə, bəpe çəy təyin kardə royədə sabit ğədəm bımando. çəy rozi bıə çiyon əncom bıdənən və bəçəy ğəhro-ğəzəbi boyis bıə çiyonku pərhizkənən və bə diyəro bımandənən.

Çın ayəku omutedəmon:

1-dınyo məbdə iyən miad və çəmə insonon dınyo iyən axırət, Vohidə Xıdovəndi ğudrəti dastədəy.

2-ğərəz Xıdovəndi hiçkəs dınyo oxo və ğıyoməti zəmoniku aqah və xəbədo ni.

وَلا یَمْلِکُ الَّذِینَ یَدْعُونَ مِنْ دُونِهِ الشَّفَاعَةَ إِلا مَنْ شَهِدَ بِالْحَقِّ وَهُمْ یَعْلَمُونَ ﴿٨٦﴾

Çəy əvəzi vanq jıə bıə kəson(pərəstış kardə bıə kəson) hiçcurnə şəfoəti ixtiyorışon ni. illa əkəson ki, həxədə şoydəti kardedən və əvon ıştən zıneydən(ki, kom kəs bo şəfoəti loyığe).

Şırki hədəfonku qıləyni ıme ki, i iddə və i hissə qımon kardedən ki, fərdon ya əşyo dınyo iyən axırətədə Xıdovəndi palu çəvon şəfoəti kardey bəzıneyn və İlahi rəhməti cəlb kardey bəzıneyn. bə həmonə dəlili xoto çə həmonə əşyo iyən fərdonku əvon komək tələb kardedən.

In ayə hanyedə: İlahi məhkəmədə şəfoət mevcude, əmmo nəyinki, bo şımə qımon kardə kəson. əvon bo hiç qıləy şəfoəti ğadir nin. Xıdovəndi məhkəmədəşəfoət fəğət deçəy izn iyən icozəy. həyğətədə, şəfoəti həx bo əkəsone ki, çəvon sıxan iyən rəftor hejo bə həxı əsos bıəvə əvon bo həxı tərəfdoron qıləy barzə ulqu və nımunə bıən.

Ə kəson ki, Xıdovəndi vohidəti iyən tohidışon ğəbul kardə, həxı mığobilədə kulliyə formədə təslimin və fəğət ə royədə hərəkət kardedən ki, Xıdovəndi boəvon təyin kardəşe. ım şəxson çı şəfoətəkəyon şərayitiku xəbədon və zıneydən ki, kom kəson şəfoəti icozəşon heste. əvon de Xıdo izni bo şəfoəti ləyoğətışon bıə kəson şəfoət kardedən və İlahi rəhməti boəvon cəlb kardedən.

Çın ayəkuomutedəmon:

1-bənə tobə bo bə Xıdovəndi səmt oqardemoniro qıləy roye, şəfoət həm bo milləti bə Xıdo səmt oqardemoniro qıləy roye. həlbəttə, de Xıdo ovliyaon roy vositə.

2-həxı royədə bıə kəson bəpe çı cokəson dasti həm bıqəton və əvoni bə ın məsir və roy səmt biyon. ım həmonə həyğiyə şəfoəte.

وَلَئِنْ سَأَلْتَهُمْ مَنْ خَلَقَهُمْ لَیَقُولُنَّ اللَّهُ فَأَنَّى یُؤْفَکُونَ ﴿٨٧﴾

Və ehanə çəvonku dəparsoş ki, kom kəsi əvonış ofəyə? hukmən bəvoteyn: Xıdo. çən, çokonə bə inhirof kəşey beydon?

Navnə ayəon dəvomədə ki, çı mışrikon ğərəz Xıdo cokəsonku şəfoət tələb kardeyku bəhs kardedəbe, ın ayə de qıləy sıvoli çəvonku tələb kardedə və hamyedə: şımə ki,Xıdo ıştə iyən dınyo Xalığ zıneydon, çıro ğərəz Xıdo cokəsonku komək tələb kardedon və inev əvoni pərəstış kardedon? qıləy holədə ki, fəğət ə kəs bo pərəstışi ləyoğətış heste ki, ın aləmi tədbiri vindedə. ım çı inhirofe ki, şımə bəy dıço bıon? şımə hiç qıləy məğamış nıbə əşyo iyən fərdon pərəstış kardedon, ğərəz Xıdo bə cokəson ibodəti səmt şeydon, çən peşoİlahi dərqoyədə çəvon vəsotət iyən vositə bıey intizorədə mandedon?

Çın ayəku omutedəmon:

1-hətto mışrikon həm Xıdo ğəbul kardedən, əmmo əsliyə muşkil çı insoni koon rububiyyət və tədbirədəy ki, mışrikon əy bə beconə əşyo nisbət doydən və ya cokəson bəvədə dəxil zıneydən.

2-Uluhiyyət ya Rububiyyətədə tohidiku harcurnə inhirof, insoni fıtrətiku bıə inhirofe.

وَقِیلِهِ یَا رَبِّ إِنَّ هَؤُلاءِ قَوْمٌ لا یُؤْمِنُونَ ﴿٨٨﴾

Və çəmə Rəsuli sıxan ıme: Xıdolim ha! ım qıləy ğovmin ki, imon vardedənin.

فَاصْفَحْ عَنْهُمْ وَقُلْ سَلامٌ فَسَوْفَ یَعْلَمُونَ ﴿٨٩﴾  

Çən, çəvonku dim bıqordon və vuji: səlom. çən, (əvon)rəyrə bəzıneyn.

In ayə ki, Zuxrufi mıborəkə surə oxonə ayəy, bə tohid iyən şırki ayid ayəon bəhsi oxoyədə hamyedə: deməkə ki, Xıdo-Rəsul bəşəv-bəruj de mışrikon votemon kardedəbe və boçəvon hidoyətiro səy və cəhd  kardedəbe, əmmo çəvonku kali qıləyni imon vardedə nıbin və bo imon vardey hiç ğəsdışon həm nıbe. əvon zıneydəbin ki, həx de peyğombəriye,əmmo çə həzrəti ruşin iyən həxə sıxanon bəçəvon sardə dılon təsirış nıkarde və əvon bo peyğombəri(s) sıxanon məsey hozzı nıbin. zira deçəvon dınyəvi iyən rədəvardə mənffəton mıtobiğ iyən i omeydə nəbe.

Liza, Xıdovənd bəştə peyğombəri hamyedə: çən, tı huccətı bəvon təmomı kardey və həxı bəçəvon quşı rosney bəpeştə, çəvonku dim bıqordon.əvoni bəçəvon ıştən holi vobıdə ta qımon nıkon ki, şımə bəçəvon imoni ehtiyociyon heste və ya ıştı dılı heste əvoni bo imon vardero məcburkoş. tı deəvon Xıdohafizi bıkə və icozə bıdə ki, bıdə əvon ıştə qətə royədə hərəkətkon. demiyən ayəon əvoni de qıləy mənodorə cumlə təhdid kardedə ta əvon qımon nıkon ki, Xıdo deəvon qıləy koş ni və hamyedə: rəyrə əvon bəzıneyn və ıştə koy ağıbəti seyr bəkardeyn, bəvidneyn.

Çın ayəonku omutedəmon:

1-dini rəhbəron iyən mıbəllığon bəpe çəş nıkon ki, həmmə millət imon biyon və həxı ğəbulkon.

2-de mıxolifon huccəti təmom kardey bədiqə, nə lovəkəmon və nə əvoni məcburkəmon. bəlkəm, əvoni vobıdəmon və icozə bıdəmon bıdə deştə ixtiyori əvon ıştə roy bıvıjnon.