965-ə hissə-Ğafi surə -31-37 şərifə ayəon

965-ə hissə

وَ أُزْلِفَتِ الْجَنَّةُ لِلْمُتَّقِینَ غَیْرَ بَعِیدٍ(31)

Və vəhışti bo mıttəğiyon(pərhizkoron) bəvardeyn iyən çəvonku qıləy fosilə(məsofəş)ni.

هذا ما تُوعَدُونَ لِکُلِّ أَوَّابٍ حَفِیظٍ(32)

(bəvon votey bəbe:)ıme bəşmə və`də doə bıə çiyon.(ım mıkofot)bo har qıləy kəsiyie ki,(dınyoədə bə Xıdo səmt) oqardə (və İlahi həddon)muhafiz iyən hıvoskə bıə.

Vəynə proqramədə bəştə inodkorəti xoto imon nıvardə insonon ağıbət bəyon be.ın ayəon deəvon mığoyisədə bə muminon çokə koy oxo işorə kardedə və hamyedə:ğıyoməti ruji vəhışti bo təğvanin iyən pokə insonon hozzı kardə bıə və de hostonə formə çəvon ixtiyorədə ğərol doey bəbe  ta çı İlahi oxoş nıbə nemətonku bəhrə bəbardeyn.

Im dıjdə mıkofot çəvon dınyoədə bə İlahi fərmonon əməl kardey nəticəy ki,səbəb be bə Xıdo əmron nıpemandeyku pərhiz kardeşone.ehanə həm bəştə nodonəti iyən ğəfləti xoto,əvon bə qıləy xəto dıço beydəbinbu,bilofosilə oqardedəbin və tobə kardedəbin.çın ayəonku omutedəmon:

1-mumin həm bənə kofiri çı qınoku əmnədə ni.əmmo bə kofiri əks bo qıno əncom doeyro isror kardedəni və əgər lıski fırsiyəbu,peşmon bıə,tobə kardedə iyən əy cubron kardedə.

2-əgər bə Xıdovəndi və`dəon imon hestemone,xotırcəm bıbəmon ki,pokəti,pərhizkorəti iyən bə Xıdo səmt oqardemon əməni bə vəhışt bərosne.

مَنْ خَشِیَ الرَّحْمنَ بِالْغَیْبِ وَ جاءَ بِقَلْبٍ مُنِیبٍ(33)

Hakəs ki,ğeybədə(nıvində holədə) Rəhmoniku tarse iyən de tobəkorə dıli(bə Xıdo səmt) ome.

ادْخُلُوها بِسَلامٍ ذلِکَ یَوْمُ الْخُلُودِ(34)

de səlomətəti bə vəhışti varid bıbən.ım əbədiyə ruje.

لَهُمْ ما یَشاؤُنَ فِیها وَ لَدَیْنا مَزِیدٌ(35)

bo vəhışti əhli əyo harçi bıpyişone,hozzıye və çəmə nəzdədə ziyodə (neməton) heste.

In ayəon navnə ayəoon dəvomədə hamyedə:bə Xıdo imoni həyğiyə nışonə ıme ki,xəlvət,punhon iyən qıləy vırədə ki,ikəs ğərəz Xıdo hozzı və nazir ni,inson bə Xıdo itoətkon və bə qıno mırtəkib nıbon.əgər həm bə qıno giriftor bin,bilofosilə tobəkon və oqardon.jıqo qıləy ruhiyyə insoni çı cəhəndımiku ozod kardedə,əy bə vəhışti daxil kardedə və əyo əbədi bəhaşte.

Əvon ki,dınyoədə bo Xıdovəndi roziyəti cəlb kardero ıştıə dıliku dəvardə çiyonku dast kəşeydən,Xıdovənd çəy əvəzi vəhıştədə bebəşe iyən əy cubron bəkarde.əve hazmyedə:ısət şımə harçi bıpyione boşmə roziyəti cəlb kardero hozzıye.çəysə həm əlovə şımə tələb kardey nızınə neməton həm,Xıdovənd bəştə lutf iyən kərəmi əsos bəşmə əto bəkarde.çın ayəonku omutedəmon:

1-muminon ğəlb inobə əkə iyən tobəkore və ım bəçəvon nicoti boyis bəbe.əmmo çı kofiron iyən mınofiğon dıl noxəşe və əvon boştə kardə curm iyən qınoon qıləy bəhonə vardedən.əve əvon xilos nibəbeyn.

 2-cokəson palu iyən umum məxloği çəşi vədə qıno tərk kardey,çı imoni nışonə ni.zira vey mumkine ki, ımon bə ğanuniku tars ya bə cokəson tənğıdi və ya abru şıey iyən rısvoyçəti xoto bıbu.əmmo əgər məxfiyə holədə Xıdoku bıtarsəmon və bəçəy həddon rioyətkəmon,ım həyğiyə imoni nışon doydə.

3-vəhışti əhl əyo daxil bıə zəmonədə de qıləy xısusi mərasimi bəçəvon vəy bebəşeyn.

4-vəhıştədə bo neməton ğəbul kardero hiçcurnə məhdudiyyət,renc və zəhmət ni və bo vəhışti əhli həmməysə çokə mıjdə,çı vəhışt iyən çəy neməton əbədi bıeye.

5-inson benəhoyət tələbəkə mevcude.liza Xıdovənd çı vəhışti əhli tələbon və intizoron bənav,əy bəvon əto bəkarde.

وَ کَمْ أَهْلَکْنا قَبْلَهُمْ مِنْ قَرْنٍ هُمْ أَشَدُّ مِنْهُمْ بَطْشاً فَنَقَّبُوا فِی الْبِلادِ هَلْ مِنْ مَحِیصٍ(36)

Və veyə nəslon çəvon bənav nobud kardemone ki,çəvonku vey zumand bin iyən (de kişvəron fəthi)bə şəhron nufuz kardeşone.aya (boəvon) fərol kardey roy mevcud be?

إِنَّ فِی ذلِکَ لَذِکْرى‏ لِمَنْ کانَ لَهُ قَلْبٌ أَوْ أَلْقَى السَّمْعَ وَ هُوَ شَهِیدٌ(37)

 Bın (hışqəqiyon məhfətiyədə) qıləy pand iyən ibrət heste ki,(oğoə)dılış heste ya de ğəlbi huzuri (bə həyğəton)quş doydə.

In ayəon bə zolımkoron qıləy xəbərdorətiye ki,qımon kardedən çəvon zu iyən ğudrət bə Xıdovəndi irodə real bıey mane bıey bəzıne və əvoni çı İlahi ğudrəti çənqaliku peroxney bəzıne.vey mumkine torıxi dırozi zumandə hukuməton bıən ki,məmləkətonışon fəth kardə və bə zəmini hevujə sahə nufuz iyən təsəllutışon pəydu kardə.əmmo əvon bə Xıdo ğudrəti məğhur bıən və bə həlokət rəsən.

Təbiiye ki,çı navkonə ğovmon sərquzəştonku ibrət peqətə kəson ki,deçəvon torıxi mıtoliyə kardey çəvon sərquzəşt,rəftor iyən əməlon təhlil kardeydə və deçimi vositə çəvon suğut iyən həlokəti amilon dərəseydən.ya hiç nıbu bə torıxi hodisəon dırıstə şikilədə təhlil kardə kəson quş bıdon iyən pand bıqətən iyən ıştə kufr,sıtəm iyən təcavuziku dast bıkəşon.çın ayəonku omutedəmon:

1-dəvardə dıjdə sivilizasiyəon çı miyoniku şıey dəlilon zıney,bəpe çı ımrujnə və omə nəslon roy ço və çırağ bıbu.

2-İlahi sınnət iyən adətonku qıləyni sıtəmkor iyən zolımkorə ummət iyən hukuməton məhf kardeye.

3-ğudrət çı zılm iyən fəsodi mərkəze və zəminə bo bə cokəson təcavuz iyən tuğyoni hozzı kardedə.illah ki,imoni ğıvvə insoni çı bə cokəson sıtəmiku oqəteydə.

4-fəğət dəvardə milləton torıxi mıtoliyə kardey vəs kardedəni.bo ziyononku peroxneyro torıxi hodisəon iyən bəvon hakim bı ğanunon zıney lozıme.