966-ə hissə-Ğafi surə -38-45 şərifə ayəon

966-ə hissə

وَ لَقَدْ خَلَقْنَا السَّماواتِ وَ الْأَرْضَ وَ ما بَیْنَهُما فِی سِتَّةِ أَیَّامٍ وَ ما مَسَّنا مِنْ لُغُوبٍ(38)

Və bə rosti əmə osmonon iyən zəmin və çəvon miyono bıə çiyon şəş ruj(və devronədə)ofəyemone və hiç qıləy renc iyən oqonəti bəmə nırəse.

فَاصْبِرْ عَلى‏ ما یَقُولُونَ وَ سَبِّحْ بِحَمْدِ رَبِّکَ قَبْلَ طُلُوعِ الشَّمْسِ وَ قَبْلَ الْغُرُوبِ(39)

çən,bə(mıxolifon)votə çiyon səbrkə və həşi pemey bənav iyən ğurubi bənav ıştə pərvərdıqori de həmd iyən sıtoyişi təsbihkə.

وَ مِنَ اللَّیْلِ فَسَبِّحْهُ وَ أَدْبارَ السُّجُودِ(40)

və şəvi i nimədə və həmçinin səjdəon bəpeştə bəy təsbih bıvot.

Vəynə proqramonədə ğıyoməti ruji bərpo bıey iyən əy inkor kardə kəson barədə bəhs kardey be.ın ayəon ijən bə İlahi ğudrəti işorə kardedə və hamyedə:çokonə çı ğıyoməti omey həxədə şəkk kardedon, qıləy holədə ki,mevcud bıə dınyo deştə həmmə əzəməti de Xıdovəndi irodə şəş ruji dırozi bərpo be iyən çəvon xılğətədə bo Xıdo hiç qıləy renc,zəhmət iyən əziyyətış bıəni.

Xıdovənd peşo bəştə peyğombəri xitobən hamyedə:miadi inkor kardə kəson sıxanonku norohət və bə ğəmı-ğussə dıço məbi iyən ruj iyən şəvi mıxtəlifə zəmononədə de Xıdo zikri məşğul bıey,ıştə ğəlbi zumandkə və bəçəvon sıxanon tov biyə yən təhəmmulkə.çın ayəonku omutedəmon:

1-deməkə ki,Xıdovənd i ləzədə həmmə hestemoni aləmi xəlğ iyən icod kardey bəzıne,əmmo bə dınyo xılğəti tədrici bıey təkid kardedə və ın aləmi idorədə səbəbon nizomi bəyon kardedə.

2-hestemoni aləm vey herhevuj iyən ğeşe.çın dınyo əzəmət çı Xıdovəndi oxoş nıbə ğudrəti bə nımoyiş noydə.

3-mıxolifon behtonon,yavə iyən norəvoə sıxanon bəpe bəçəmə sıstəti iyən bə dumo pekırey boyis nıbu. bəlkəm de səbr iyən səyon bəştə roy dəvom bıdəmon.

 4-muşkiloton mığobilədə  çı səbri həmməysə çokə dastək,həmmə saat iyən vaxtonədə Xıdo zikr kardeye.

5-harçənd çı Xıdo zikri zəmonış ni,əmmo nımoji məxsusə zəmonon ziyodə fəzilət,barzəti iyən təsirışon heste.

وَ اسْتَمِعْ یَوْمَ یُنادِ الْمُنادِ مِنْ مَکانٍ قَرِیبٍ(41)

Və quş bıdə iyən mıntəzir bımand ki,mınodi(vanq jıə kəs)qıləy nezə məkoniku nido doydə.

یَوْمَ یَسْمَعُونَ الصَّیْحَةَ بِالْحَقِّ ذلِکَ یَوْمُ الْخُرُوجِ(42)

qıləy ruj ki, (rostbemoni) zikməvulə həxədə bıməson.həmonə ruj (çı ğəbonku) xaric bıə ruje.

إِنَّا نَحْنُ نُحْیِی وَ نُمِیتُ وَ إِلَیْنَا الْمَصِیرُ(43)

əməmon ki,bəyji kardedəmon iyən kışteydəmon və(həmmə kəson) oqardemon bəçəmə səmte.

إِنَّا نَحْنُ نُحْیِی وَ نُمِیتُ وَ إِلَیْنَا الْمَصِیرُ(44)

qıləy ruj ki,zəmin de surəti çəvon (cəsədon)piyo poə bəbe(və əvoni quriku xaric bəkarde)ım (həmmə insonon qırdə kardey və)həşr boəmə hostone.

In ayəon ğıyoməti ruji qıləy dıjdə konqresi ojbemoni mərosimi bəyon kardedə ki,de dınyo çandə milyardə cəmyəti huzur iyən iştiroki və de İlahi iyən səmavi zikməvulə bino bəbe.qıləy osmoniyə vanq və nido jıqo fəzoədə pevolo bəbe ki,məhşəri həmmə əhali çəy sədo çı neziku bəməseyn.qıləy nido ki,çəy əzəmət boyis bəbe bandon iyən zəminon poə bıbu,bımyon zəminiku xaric iyən insonon pevolo bəbeyn.

Bın ayəonədə bə ım nuktə işorə kardedə ki,həmonə Xıdo ki,iminə kərə əvonış dınyodə ofəyəşe və peşo əvonış kışte,ımruj əvoni ijən sənibəton bəyji bəkarde ta əvon bəştə xılğəti hədəfi cəhətədə bıə roy dəvom bıdon.çın ayəonku omutedəmon:

1-miad qıləy cismoni koye.insonon həmmə zəmini jiku rost bəbeyn iyən ğıyoməti səhnədə hozzı bəbeyn.

2-maq iyən jimon fəğət Xıdo dastədəy iyən ım ğıyoməti ruji Xıdo tərəfiku bo bımyon bəyji kardero həmməysə çokə dəlile.

نَحْنُ أَعْلَمُ بِما یَقُولُونَ وَ ما أَنْتَ عَلَیْهِمْ بِجَبَّارٍ فَذَکِّرْ بِالْقُرْآنِ مَنْ یَخافُ وَعِیدِ(45)

Əmə bə(mıxolifon)votə çiyon vey aqahimon iyən tı bəvon hakim niş(ta əvoni dezzu bə rostə roy biyoş) çən,har ki çımı əzobi və`dəonku tarseydən,(bəvon)de Ğıroni pand bıdə.

Navnə ayəon dəvomədə ın ayə ijən bə Peyğombəre-Əkrəmi(s) xitobən hamyedə:miodi inkorəkəyon ıştı dəvəti nəfy iyən inkorədə votə çiyon və əvon cokəson bətı imon vardeyku oqətəkəson,əmə çəvonku aqahimon.əmmo ıştı intizorı nıbu ki,həmmə kəson bətı imon biyon.zira əmə insonon ozod ofəyəmone iyən çəvon səçın kardey həxışon heste.

Iştı bənə peyğombəri bıə vəzifə ıme ki,İlahi risoləti və missiyə ibloğkə,bıroson iyən bə milləti çəvon koon ağıbəti həxədə çəşnavi bıdə.tı məmur niş ki,ikəsi məcburi surətədə bo dini ğəbul kardero vodorkoş.və ıştə dəvəti dezzu bə ikəsi təhmil və məcbur məkə.çın ayəku omutedəmon:

1-Bə Ğıroni bo təzəkkur iyən pandiro həmməyə çokə vəsilə bıey xoto,çı milləti əxloği, pand iyən nəsyəti məbhəson mehvər bəpe Ğıroni ayəon bıbu.nəyinki,ıştəku hozzı kardə bıə iyən bə zevği əsos.

2-İlahi dini usul fitriye və çı həmmə insonon dılədə noey bıə.fəğət təzəkkur iyən pand lozıme.bə həmonə dəlili xoto,peyğombəron səyışon kardə de təzəkkur iyən pandi çı insonon dılədə bıə iyən çəvon viro beşə fıtrəti oğokon.

3-peyğombəron vəzifə dini təblığ kardeye və əvon zu iyən məcburiyyətiku okoşon doəni.çıro ki,dini ğəbul kardey bəpe bə irodə iyən ixtiyori əsos bıbu.

4-Ğıyoməti ruji çı cəzo iyən mıkofoti barədə bə İlahi və`dəon bovə kardey,zəminə bo peyğombəron pand iyən nəsyəton ğəbul kardero hozzı kardedə.