975-ə hissə-Tuuri surə -22-31 şərifə ayəon

975-ə hissə

وَ أَمْدَدْناهُمْ بِفاکِهَةٍ وَ لَحْمٍ مِمَّا یَشْتَهُونَ(22)

Və dumoyənde çı miyvə iyən qujdiku bıpyişone,çəvon ixtiyorədə ğərol bədomon.

یَتَنازَعُونَ فِیها کَأْساً لا لَغْوٌ فِیها وَ لا تَأْثِیمٌ(23)

əvon vəhıştədə de şərovi pur bıə cami(piyolə) dast bə dast bədon ki,çəy( peşomeyədə)nə qıləy bihudə votey və nə qınokorəti heste.

وَ یَطُوفُ عَلَیْهِمْ غِلْمانٌ لَهُمْ کَأَنَّهُمْ لُؤْلُؤٌ مَکْنُونٌ(24)

və(boçəvon xıdmətiro) dayima nevcıvonon çəvon qırdo bəqardeyn ki,bənə sədəfədə bıə mirvarin.

Vəynə proqramədə çı vəhışti əhli nemətonku bəhs kardedəbe,ın ayəon həmonə bəhsi dəvomədə bə kali hardənin iyən peşoməninə çiyon işorə kardedə və hamyedə:vəhıştədə çandə nev miyvəon hozzıe və har nev miyvəon ki,vəhışti əhli meylış bıbu,çəvon ixtiyorədəy.bə dınyo əks ki,har qıləy miyvə qıləy məxsusə fəslədə və ya xısusi coğrafi məntəğədə çəy istehsoli şərayit hozzı beydə.

Çandə nev miyvəon çı həvo pərəndəon,dıyo moy iyən çı səhro çolınqə heyvonon qujdiku bıə çandə nev proteyini maddəonsə əlovə,vəhışti əhli çiç bıpyoşone,çəvon ixtiyorədə bəbe və boəvon hiç qıləy məhdudiyyət nibəbe.təbiiye ki,çı xorəkon kəno,peşoməninə çiyon həm lozıme.vəhıştədə qıləy şərov mevcude ki,vəhışti əhl əy dast bə dast bəkardeyn və de həmonə peşoməninə çiyon bə ləzzəti pik həddi bərəseyn.həmonə şərovi bənə dınyəvi şərovon bo peşomə kəson hiç qıləy zərəlış ni,bə məstəti iyən yavə sıxan votey boyis nibəbe və insoni bə bevəcə koon səmt şovğ nibədoe.

Vəhışti reçinə xıdmətkoron həm bo vəhışti əhli ğəbul kardero hejo hozzın və çı vəhışti əhli dıli piyə çiyon kamo-ziyod nıkardə holədə çəvon ixtiyorədə ğərol doydən ta əvon kaməti hissi nıkon.çın ayəonku omutedəmon:

1-vəhışti hardənin iyən peşoməninə çiyon çandə neve və bə vəhışti əhli meyl iyən tələbon tabeye ta əyo bıə hardənin iyən peşoməninə çiyon de iştəho meylkon və bə dıltanqəti dıço nıbon.

2-dınyoədə ıştəni çı ləğv iyən yavə koonku bə diyəro oqətəkəson,ğıyoməto həm vəhıştədə qıləy vırədə bəbeyn ki,çə vırə əhl jıqo qıləy xıslətonışon heste.

3-vəhışti şərov bənə dınyəvi şərovon hiç qıləy zərəlış ni və bə məstəti iyən yavə sıxan votey boyis nibəbe. həmçinin insoni bə bevəcə koon səmt şovğ nibədoe.

وَ أَقْبَلَ بَعْضُهُمْ عَلى‏ بَعْضٍ یَتَساءَلُونَ(25)

Və bə iyande dim kardə (holədə iyande holiku)dəbəparseyn,

قالُوا إِنَّا کُنَّا قَبْلُ فِی أَهْلِنا مُشْفِقِینَ(26)

bəvoteyn:əmə çımi bənav çın(dınyoku) bəştə xıyzoni nisbətədə xeyrxah bıəmon.(və bəvon İlahi əzobi barədə çəşnavi doydəbimon).

فَمَنَّ اللَّهُ عَلَیْنا وَ وَقانا عَذابَ السَّمُومِ(27)

çən, Xıdovəndi bəmə mınnətış noe və əməş çı sutunə əzobiku oqətışe.

إِنَّا کُنَّا مِنْ قَبْلُ نَدْعُوهُ إِنَّهُ هُوَ الْبَرُّ الرَّحِیمُ(28)

zira əmə çımi bənav hejo vanq jeydəbimon.həyğətən,Əve çokəko soyb,mehribon.

In ayəon bə vəhışti əhli de iyande bıə votemonon işorə kardedə və hamyedə:çəvon kali votemonon bəçəvon dəvardəyon ayide ki,dınyoədə kom çokə koonışon əncom doə ki,bəçəy xoto,Xıdovənd vəhışti bəvon nəsib bəkarde.

Bə ın sıvoli doə bıə həmməysə muhimmə cəvob,çəvon bəştə xıyzoni nisbətədə bıə şəfğət,dıləsutəti iyən niqəronətiye.ım fərdon ıştə valideyn,jimoni həmro iyən fərzəndon mığobilədə ıştə vəzifəonışon çok-çoki əncom doəşone və ıştə qırd ğıvvonku oko doəşone ta əvon çı həxə royku mınhərif nıbon.əvon nəyinki, ıştən çı qınoonku bə diyəro mandən,bəlkəm ıştə fərzəndon tərbiyədə həm ziyodə cəhdınışon kardə ta əvon mumin iyən salehə şəxson bıbu.

Təbiiye ki,ım dığğət iyən dıləsutəti,İlahi lutfi dumo ıştə vardedə.bə ım lutfi xoto çəvon xıyzonon çəvon kəno vəhıştədə bəbeyn iyən əvon həmmə çı cəhəndımi otəşiku xilos bəbeyn.çın ayəonku omutedəmon:

1-ənbiya mıxolifon hejo səy kardəşone de bənə şayir iyən kahini norəvoə nisbəton,milləti çəvon ətrofiku volo-volokon.

2-İslomi deşmınon intizorışon hestebe ki,de peyğombəre-əkrəmi(s) rehləti,İslomi ço hamuş bəbe.əmmo Xıdovəndi irodə bımədə bıə ki,ım ço dayima ruşin iyən bıvəşo.çoko ki,ımruj həm bımi şoydimon ki,bə İslomi deşmınon qırd səyon rəğmən,ijən ım din dınyoədə pevolo beydə.

فَذَکِّرْ فَما أَنْتَ بِنِعْمَةِ رَبِّکَ بِکاهِنٍ وَ لا مَجْنُونٍ(29)

Çən,(ha pəyğombər ha!)bəyod biyə ki,deştı pərvərdıqori lutfi(çəy neməti sayədə) tı nə kohin və nə navo xəbə doəkəs və nə səfi iyən alə jəy niş.

أَمْ یَقُولُونَ شاعِرٌ نَتَرَبَّصُ بِهِ رَیْبَ الْمَنُونِ(30)

bəlkəm(kofiron)votedən:əv qıləy şayire ki,əmə çəy maqi çəş kardedəmon

قُلْ تَرَبَّصُوا فَإِنِّی مَعَکُمْ مِنَ الْمُتَرَبِّصِینَ(31)

(bəvon)vuji:intizorədə bıbən ki,az həm deşmə çəş kardə kəsonkum.(şımə çımı maqi iyən az bəsə şıməsə bıə səbarzəti intizorədəm).

Vəynə ayəonədə vəhışti neməton zikri bəpeştə,Xıdovənde-Xalığ bın ayəonədə bə peyğombəre-əkrəmi(s) xitobən hamyedə:ım mətləbon həmişə bə milləti quşi bıroson və ğıyoməti ruji bəçəvon yodi dənə ta çəvon de dınyo jimoni ıştə sə tasponey əvoni çı axırətiku ğafil nıhaşto.

Həlbəttə mışrikon bə ın mətləbon bəyoni xoto peyğombəri kahin zınedəbin iyən votedəbin:əv bənə kahinonin ki,ayəndəku xəbə doydə və dılış heste milləti çı ğeybi sırronku aqah bıko.bə həmonə dəlili xoto de cınon qıləy rabitəş heste və çı ayəndə xəbon çəvonku seydə.

Qıləy holədəki,Xıdovənd hamyedə: peyğombəri çı vəomə iyən ayəndəku aqahəti,bə İlahi vəhyi iyən bəçəy nıbuvvət iyən risoləti məsuliyyəti xotoye və əv çı kəhonət iyən cın qətey əhl ni.çoko ki,əv çı şeyr iyən şayirəti əhl həm ni və çəy sıxan çı Xıdo kəlome.nəyinki,çəy şəxsi təfəkkur iyən təxəyyuli məhsul ki, deçəy şıey çəy devron təmom bıbu iyən coqlə kahin və şayir çəy vırə bıqəto.çın ayəonku omutedəmon:

1-ənbiya mıxolifon hejo səyışon kardə de bənə şayir iyən kahini bıə norəvoə nisbəton milləti çəvon ətrofiku pərokəndəkon.

2-İslomi deşmınon intizorışon hestebe ki,de peyğombəre-əkrəmi(s) rehləti çı İslomi ço hamuş bəbe. əmmo Xıdovəndi irodə bımədə bıə ki,ım ço dayima ruşin iyən vəşə formədə baği bımando.çoko ki,ımruj həm əmə şoydimon ki,bə qırd anti-islomə məkrinə-plan iyən təblığoton rəğmən,ijən İslom dınyoədə ziyodə pevolo bıə holədəy.