Huseyniyə Ərbəyini şemon
Huseyniyə Ərbəyini şemon
Huseyniyə Ərbəyini piyodə şemon ha sor de həmməysə dıjdə insoni iştimo nomi bəsə dəvardə soronsə de əzəmətinə formə dəvordıney bedə.əmmo,de təəssıfi dınyo məşhurə informasiyə vositəon veyni bın zəminədə vey dıjdə senzurə bə vırə rosnedən.har mediya cəhəto ısət çımi mənəvi cəhəti bə kəno bınəmon,bə ın mevzu nəzə kardey bıbu.ım hodisə çandə qılə erjış heste və informasiyə vositəon bəpe de qıləy təcrubəninə nəzə əv inikos doey bıbu.
Ərbəyini piyodə şemon anədə dıjde ki,boəy dıjd nışon doeyro hiç qıləy ehtiyoc ni.əmə bın şemonədə ziyodə izdihominə cəmyət mışohidə kardedəmon.ımmo,sıvol ıme ki,çıro bə mıosirə torıxi bemislə ın mecuzə,dınyo tele-rədyo şəbəkə və kanalon jəqo həm dığğət və nəzə kardedənin.və çıro ım informasiyə vositəon ki,təğribən bə 32 həzo şəbəkə rəsedə,bo çandə milyonə konqresi inikos kardero hiç qıləy rəğbət və meylışon ni və əvon vey vaxti hətto ın qırdbemoni qıləy mənfi iyən radikalə hodisə nışon doydən.nəyinki,qıləy umu baxş kardə və mısbətə ko.boçi dınyo informasiyə vositəon bənə dınyo hasornə həmməysə dıjdə hodisə və həmməysə dırozə şemon bıə ım Ərbəyini şemoni jıqo sodə nəzə kardedən və çəyku de rohətə formə dəvardedən?.ıştənə qıləy məmləkətədə ki,çı dınyo de problemi pur bıə qıləy məntəğədəy.....
Sıftədə bıvindəmon ki,mıosirə devrədə çın mədəniyyət ofəyə qıləy sulhamizə hərəkəti torıx çı kon zəmonikuye? Səddam Huseyni rejimi suğuti bədiqə İraği şiəyon qıləy fırsətışon pəydu karde ta əyani şikilədə Huseyni ərbəyini ha sornə şemonədə iştirokkon və hukuməti ləşkəriku hiç qıləy tars nıbə holədə piyodə bə Əba Əbdullah(ə)-i hərəmi səmt hərkətışon karde.torıxəvonon ın sınnət və adəti torıx təğribən bə Aşurə hodisə pqardedə.qıləy zəmon ki,Peyğombər(s)-i əshobonku qıləyni Cabir ibn Əbdullah çı bəni-uməyyə repressivə zəmonədə və həmçinin deməkə ki,əv vey piyəmerd be,İmom Huseyn(ə)-i şəhodəti çılminə ruji poy-piyodə bə Kərbəlo ğətlqo səmt hərkətış karde və əv çı Aşurə şəhidon ğəbış ziyorət karde.əv çın koysə əlovə bə peyğombər(s)-i xanedani və bə Kərbəlo şəhidon ziyodə ehtıromi xoto,bın şemonədə ıştə siyosi mesajış həm bə zolımə hakimi hukuməti rosneşe....
Cabiri bədiqə həm ım sınnət və adət torıxi dırozi de etat-petati bə ico bıə və havaxti hakim bıə dastqo bə mısılmınon ım ko icozə doydənıbe,şiəyon məcbur bedəbin,çı hukuməti çəşiku bəşəvnəy de qıləy məxfiyə formaədə bə Kərbəlo səmt hərəkət kardedəbin.İrağədə BƏƏSi rejimi bə hakimiyyət omey bədiqə,çın kişvəri siyosi rejim hejo çı sıftəku bın kişvərədə de şiəyon etosniye ko məşğul be.min cumlə çı BƏƏSi rejimi de məzhəbi əzodorə camaati xuninə hərəkəton bımi şoyde və Səddam Huseyni rejimi si sornə hakimiyyəti devronədə bo Əhli-Beyt(ə)-i harcurnə əzodorəti mərosimon bə vırə rosney ğədəğən be.
Səddam Huseyni rejimi suğuti bədiqə İraği şiəyon bo İmom Huseyn(ə)-i ziyorət kardero ha sor ım izdihominə şemoni təşkil Krdero qıləy çokə fırsət və şərayit bə əməl ome.bə statistik məlumaton əsos 2003-ə sori 2 ta 3 milyoni miyono insonon bın şemonədə iştirok kardeşone və ha sor bə ın cəmyəti veyə insonon əlovə be.de İrağədə nisbi sabitəti çokbe,dınyo mıxtəlifə kişvəronku şiyə,əhlı-sınnət və məsihiyon bın izdihominə şemonədə iştirok kardey xoto,ıştənıon bə İrağ rosneşone.joqo ki,bə İraği kişvəri rəsmi orqanon məlumaton əsos,1391-ə həşi sori(2012) 10 milyonisə veyə insonon bın şemonədə iştirokışon kardə və peşon soronədə kali hesobotonədə ın statistikə bə Kərbəlo omə 15 milyonisə veyə zayiriku xəbə doydə.ın mığdor peşonə omə soronədə təğribən bə 20 milyoni rəse.....
