Aşura,eşğ iyən ğəhrəmonəti həyəcon
Aşura,eşğ iyən ğəhrəmonəti həyəcon
Aşura,eşğ iyən ğəhrəmonəti həyəcon
Imruj Hicri-Ğəməri 1442-ə sori Məhərrəmə manqi daminə ruje.ımruj Aşurə ruje,Xıdo bandəon həmməysə çokə şəxs İmom Huseyn ibn Əli(ə) şəhodəti ruje.Məhərrəmə manqi xeyməon ojə fəzonədə,kuçon iyən xiyobononədə bərpo bıə və yolə roonədə əzodorəti dastəon İmom Huseyn(ə)-I bə zılməti zidd bıə nuri bə qırd aləmi nışon doydən.harçənd dınyo çı vironəkə Koronavirusi pandemiya təbədə sutedən,əmmo Huseyni eşğ iyən həyəcon bə Koronavirusi pandemiya sanqinə soğnə ğələbəş pəydu kardə.millət de bə səhiyyəvi protokolon rioyət kardey, qıləy tafutin iyən həyəconinə Aşurəşon təcrubə kardə.
Imsor həm merdı-jen,piy və cıvon çı şəhidon əğə və rəhbəri əzo və matəmədə əzo olətış bə tan kardə və ijən de Huseyn ibn Əli(ə) sənibəton əhd-peymon dəbastedən və bə həzrəti ideyal və hədəfon təkid kardedən.
Bın ruji bə milləti səloməti iyən bə sosyal məsafə rioyət kardey və de dınyo ozodəon rəhbəri nomi zikr kardey,qədə şəhron səhnonədə təkyə və Huseniyyəon ejəşone və millət de İmom Huseyni(ə) insoniyyəti ətri pur bıə,fədokorəti,izzət iyən imon pərçəmi rost kardey,həmmə vırədə huseyniyə həyəcon icod kardedən.jıqo bızın sinə jıə zənciron İmom Huseyn(ə)-i xuni tələb kardey sədoe ki,çandə əsron bədiqə ijən bə quşon ərseydə:”ha millət ha! Xıdo kitob çəmə miyono həxədə nozil be və hidoyət çəmə miyone və vəhy əməni de çokəti zikr kardedə.əmə bo qırd məxloği Xıdo əmonimon və ımi milləti miyono punhon iyən oşko votedəmon”….
Əzodorəti insoni barzə erjon bəyji kardey simvol bə hisob omeydə.ə erjon ki,İmom Huseyn(ə) iyən çə həzrəti əshobi ıştə conışon bəçəy xoto,təslim kardə.bəçəy xotoye ki,çın dıjdə vağiyə və hodisə mesajon çı mısılmınon fərdi iyən iştimoyi jimoni cəhəton bəştə təsiri ji dənoydə.tosə əvrə ki,ğasbu iddio kardey bəbe ki,çın mənəvi ayinon miyono məxsusən de şiyəon vositə icro bıə dınyo mıxtəlifə noxtəonədə bıə əzodorəti mərosimon,çı ayinon həmməysə komil iyən nığılə ayine.bın mədəniyyətədə İmom Huseyn(ə)-I barzə əndişə və təfəkkur har qıləy əsr və zəmonədə ilhom baxş kardedə və çoko ki,Huseyni həyəcon de şuur iyən mərıfəti bə ico bıbu,bə camiyədə səmərəninə hərəkəton iyən iştimoyi əhvol-ruhiyyə icod bıey boyis bəbe və jıləvoniye ki,de çandə əsron dəvarde Aşura əbədi mande və Huseyni(ə) eşğ muminon dılonış pur kardə…
Insonon deştə ağl iyən ixtiyori ğıvvə,həmmə zəmononədə bə hərəbaxtəti iyən bədbəxtəti səmt ğədəm şoydəbin.de İmom Huseyn(ə)-I təbiri ağl ğərəz bə həxı pemandey,komil nibəbe.əve əv çı təhdid iyən tars,tətmii(şini) iyən şayiə pevolo kardey zəmonədə insoni çı pokəti iyən fəziləti barzə noxtəku bə həmməysə exroc iyən saruyə noxtə səmt şıkırneydə.bəpe bın zəmon bo camiyə suğut iyən həlokəti vəy qəteyro iyən əyo həxı bərpo kardero,inson bəsə səpoysə bəhışto və ğıyomko.İmom Huseyni(ə) zəmonədə əməviyon jıqo de təhdid iyən etosiniye siyosəti bə Kufə hakim bıə bin və çoko ki,Hani de çandə həzo muzduronku qıləyni vositə dastgir və qətey be, hiçkəsi etıroz kardey curətışon nıbe.hətto əy xiyobonədə şıkırnə bıə zəmonədə hiçkəsi bəy koməkış nıkarde və əv ğərib mande.həmonə camiyədə tətmii iyən hiylə ziyodə rəvocış pəydu kardəbe.du,təviz iyən çok və salehə şəxson terror kardey,bənə yəzidi bıə əməvi fosidə hakimon joqlə şivəonku be.joqo ki,əvon hətto İmom Huseyn(ə)-I bənə qıləy təfrığ eğandə və camiyə nizomi bəyənde jıə şəxsi təğdım kardedəbin və bə həmonə dəlili xoto,çoko ki,İmom Huseyn(ə) komək tələb kardeyədə hiçkəsi bə həzrəti koməkış nıkarde.jıqo qıləy fəzoədə İmom Huseyn(ə) zıneydəbe ki,bə deşmıni zohiri səbarzəti iyən ğələbə şərayit mevcud ni,əmmo ijən sukutış darışte və hamyeşe:”loyığe jıqo qıləy yavə şərayitədə qıləy imonin iyən fəzilətinə şəxs fədokorətiko və bə Xıdo vindemoni səmt hərəkətko
