Эрон Ташқи ишлар вазири: Америкаликлар сўнгги 3 кун ичида ўт очишни тўхтатишга интилаётгани ҳақида хабар юборишди
-
Эрон Ташқи ишлар вазири: Америкаликлар сўнгги 3 кун ичида ўт очишни тўхтатишга интилаётгани ҳақида хабар юборишди
Ташқи ишлар вазири, америкаликлар охирги 3 кун ичида Ғазо секторида ўт очишни тўхтатишга интилаётганликлари ҳақида хабар юборганликларини, лекин амалда фақат оммавий қирғин ва геноцидни қўллаб-қувватлаганликларини айтиб, умид билдирди:Америка имкон қадар тезроқ сиёсатини ўзгартириши ва ишғолни қўллаб-қувватлашни тўхтатиши керак.
2023 йилнинг 7 октябрь куни Фаластин қаршилик кучлари Ғазо секторидан ишғолчи сионистик режим позицияларига қарши кутилмаган “Ал-Ақсо тўфони” операциясини бошлади. Бу режим ўз муваффақиятсизлигининг ўрнини қоплаш ва қаршилик ҳаракатларини тўхтатиш мақсадида Ғазо бўлгасига олиб борувчи барча ўтиш жойларини ёпиб қўйди ва бу ҳудуддаги турар-жой ва тиббиёт ҳудудларини тинимсиз бомбардимон қилмоқда.
Эрон телерадиокомпаниясининг ўзбек тилидаги сайтининг хабар қилишича, Эрон ташқи ишлар вазири Ҳусайн Амирабдуллоҳиён душанба куни АҚШ Давлат котиби Энтони Блинкеннинг Ироққа ташрифи чоғида ўқ ўтказмайдиган жилет кийганига жавобан қўшимча қилди:Бу Америка ролининг ҳақиқатидир.
АҚШ Давлат котиби Энтони Блинкен якшанба куни кечқурун Бағдодга ташриф буюрди ва Ироқ Бош вазири билан учрашиш учун ташрифи чоғида ўқ ўтказмайдиган жилет кийиб, кечаси Бағдодни тарк этди.
АҚШ Давлат котиби Ироқ Бош вазири Муҳаммад Шиа ал-Суданий билан учрашганидан сўнг, шундай деди:Вашингтон Эрон билан қарама-қаршиликка интилмаяпти, балки кучларимиз ва фуқароларимизни қўллаб-қувватлаш учун барча чораларни кўради.
Эрон Ташқи ишлар вазирлиги матбуот котиби Носир Каньоний Чофий ҳам бугун журналистлар билан бўлиб ўтган ҳафталик учрашувда Блинкеннинг Бағдодга сафари ҳақидаги саволга жавобан шундай деди.Агар Америка ҳукумати минтақа халқлари билан ўзини тўғри тутганида, бу давлат ташқи ишлар вазири пальтосига ўқ ўтказмайдиган жилет кийиб, Бағдодга кириб-чиқмас эди.
