Тошкент шаҳридаги бизнес марказида ёнғин рўй берди
феврал 27, 2017 18:55 Asia/Tashkent
Тошкент шаҳридаги бизнес марказида ёнғин рўй берди
Бугун, 27 февраль кунининг иккинчи ярмида Тошкент шаҳридаги «Wyndham Tashkent» меҳмонхонаси ёнидаги бизнес марказида (эски номи - «Лето бар») ёнғин рўй берди.
Ижтимоий тармоқларда тарқалган суратларда Амир Темур шоҳкўчаси ва Шаҳрисабз кўчалари кесишмасида жойлашган бинонинг юқори қаватларидан бирида жойлашган хонадан олов ва қуюқ тутун чиқаётганини кўриш мумкин.
«Олой» бозори яқинида, ЮМС биноси рўпарасида жойлашган мазкур иншоотдаги ёнғин жиддий бўлмаган ва тезда бартараф этилган. «Кун.uz»нинг воқеа жойидаги манбаси маълумотига кўра, ёнғинни ўчириш учун 6та ўт ўчириш машинаси етиб келган.
Эслатиб ўтамиз, ўтган йилнинг сентябрида ҳам мазкур бинода ёнғин рўй берганди.
Ёрлиқ
