Ишониш қийин: Интернет тезлиги бўйича Ўзбекистон дунёда 110- ўринда!

Sputnik. Speedtest Global Index компанияси интернет тезлиги бўйича мамлакатлар рейтингини янгилади.

Компания 2018 йил октябрь ойи учун маълумотларни ўз сайтида эълон қилди.

Ҳисоботга кўра, мобил интернет тезлиги бўйича Ўзбекистон 110-чи, оптик толали интернет тезлиги бўйича эса 112-чи ўринларни банд этди.

Рейтинг муаллифлари ҳисобига кўра, мобил интернет бўйича Тожикистонни охирги 124-чи ўринга ўтказишди. Афғонистон эса 123-чи ўринда.

Марказий Осиё давлатларидан мобил интернет тезлиги бўйича Қозоғистон 74-чи, Қирғизистон – 94-чи ўринда.

Россия эса 80-чи ўриндан жой олди.

Рейтингнинг биринчи ўриндаги қаторларни Норвегия, Исландия ва Сингапур эгаллаб олди.

Шунингдек, рейтингда симли интернет тезлиги ҳам берилган. Тожикистон ушбу рўйхатда йўқ. Қозоғистон 58-чи, Россия 44-чи,  Қирғизистон 79-чи ўринда.