Ўзбекистон бош вазири Туркманистон президенти билан учрашди
август 13, 2019 10:27 Asia/Tashkent
Каспий иқтисодий форуми доирасида Ўзбекистон бош вазири Абдулла Арипов Туркманистон президенти Гурбангули Бердимуҳамедов билан мулоқот қилди.
Учрашувда мамлакатлар ўртасида савдо-иқтисодий, транспорт-коммуникация, маданий-гуманитар ва бошқа соҳаларда ҳамкорликнинг жорий ҳолати кўриб чиқилди.
Биринчи Каспий иқтисодий форумининг давлатлар ўртасидаги ҳамкорлик алоқаларини кенгайтириш, Каспийбўйи давлатлари билан савдо-иқтисодий муносабатларни янги босқичга кўтаришдаги аҳамияти юзасидан фикр алмашилди.
Туркманистон президенти Ўзбекистон делегациясининг форумдаги иштирокини юқори баҳолади.
Шунингдек, Ўзбекистон бош вазири Абдулла Арипов Эроннинг биринчи вице-президенти Исҳоқ Жаҳонгирий билан ҳам учрашди.
Ёрлиқ
