Шавкат Мирзиёев АҚШ Марказий қўмондонлиги қўмондони Кеннет Маккензини қабул қилди
-
Шавкат Мирзиёев АҚШлик қўмондониКеннет Маккензини қабул қилди
Шавкат Мирзиёев кеча мамлакатга амалий ташриф билан келган Америка Қўшма Штатлари Қуролли кучлари Марказий қўмондонлиги қўмондони генерал Кеннет Маккензини қабул қилди
Суҳбат чоғида Ўзбекистон ва АҚШ муносабатлари ва минтақавий кун тартибининг долзарб масалалари муҳокама қилинди. Хавфсизлик ва барқарорликка таҳдидлар ҳамда глобал хатарларга қарши курашиш мавзуларига алоҳида эътибор қаратилди деб хабар қилган Дарё сайти..
Афғонистонда тинчлик жараёнини қўллаб-қувватлаш ҳамда ушбу мамлакатнинг иқтисодий тикланишига амалий кўмак кўрсатиш юзасидан фикр алмашилди.
Шунингдек, икки томонлама ҳарбий ва ҳарбий-техник ҳамкорлик масалалари ҳам кўриб чиқилди.
Генерал Маккензи Ўзбекистон Президентига учрашув учун самимий миннатдорлик билдириб, АҚШ мамлакатлар ўртасидаги стратегик шерикликни мустаҳкамлаш, кенг кўламли ҳамкорликни кенгайтириш борасида қатъий эканини таъкидлади.
