Раисий Эрон ва Ўзбекистон ўртасидаги ҳамкорлик даражасини оширишга алоҳида эътибор қаратди
-
Раисий Эрон ва Ўзбекистон ўртасидаги ҳамкорлик даражасини оширишга алоҳида эътибор қаратди
Эрон Ислом Республикаси Президенти шундай деди:Эрон ва Ўзбекистон ўртасидаги ҳамкорлик даражасини янада яхшилаш учун мақсадли йўналиш зарур.
Эрон телерадиокомпаниясининг ўзбек тилидаги сайтининг хабар қилишича, ЭКО Иқтисодий Ҳамкорлик Ташкилотининг 16-йиғилишида иштирок этиш учун Тошкентга сафар қилган Эрон Ислом Республикаси Президенти Саййид Иброҳим Раисий бугун, пайшанба куни Ўзбекистон Президенти Шавкат Мирзиёев билан учрашувда икки давлат ўртасидаги келишувлар, хусусан, ахборот технологиялари, савдо, транспорт ва валюта-банк соҳаларидаги келишувларнинг амалга оширилиши жараёнидан мамнун эканлигини таъкидлар экан, мақсадли йўналиш ва саъй-ҳаракатларни янада юксалтириш зарурлигини таъкидлади.
Раисий ислом, қўшни ва иттифоқдош давлатлар билан сиёсий ва иқтисодий ҳамкорликни ривожлантиришни давом эттирар экан, буни Ислом Республикаси ташқи сиёсатининг асосий устувор йўналишларидан бири деб атади ва қўшни давлатлар билан муносабатларни осонлаштириш учун шарт-шароит яратишда минтақавий ташкилотларнинг позицияси муҳимлигини таъкидлаб, улар ўртасидаги муносабатлар ва ўзаро ҳамкорликни мустаҳкамлаш учун ушбу ташкилотлар имкониятларидан фойдаланиш зарур, деб ҳисоблади.
Ушбу учрашувда Ўзбекистон Президенти Шавкат Мирзиёев ҳам Эрон ва Ўзбекистон ўртасидаги муносабатлар ва ҳамкорликни мустаҳкамлаш зарурлигини таъкидлаб, Тошкентда Эрон Инновациялар уйи очилгани учун миннатдорчилик билдирди. У буни ушбу мамлакат иқтисодий фаолларининг Эрон Ислом Республикасининг ютуқлари, салоҳияти ва тажрибаси билан яқиндан танишишига сабаб, деб ҳисоблади.
