Яманнинг Саудия Арабистонига огоҳлантириши: қаттиқ жазони кутинг
Яман Ташқи ишлар вазирлиги баёнот бериб, Саудия Арабистонини огоҳлантирди: агар у Яманга нисбатан қамални бекор қилмаса, қаттиқ жазони кутиши керак.
Парс Тудей хабар беришича, Яман Ташқи ишлар вазирлиги сешанба куни тонгда тарқатган баёнотида Саудия Арабистони Яманга ўзининг қарам ҳудуди сифатида муносабатда бўлаётганини маълум қилди.
Вазирликнинг таъкидлашича, Саудия Яман халқига юқоридан туриб муносабатда бўлмоқда ва озиқ-овқат ҳамда дори-дармон ортилган кемаларнинг Яман портларига киришига рухсат беришни гўё бир эҳсон сифатида кўрсатмоқда.Баёнотда яна қайд этилишича, Яман халқи сўнгги 12 йил давомида Саудиянинг ҳаво ҳужумлари оқибатида шаҳид бўлган ўн минглаб инсонларнинг қонини ҳеч қачон унутмайди.
Яман Ташқи ишлар вазирлиги, шунингдек, Саудия Арабистони Яманга қарши тажовуз ва қамални тўхтатиши лозимлигини таъкидлаб, акс ҳолда келажакда қаттиқ жазога дуч келиши ҳақида огоҳлантирди.Баёнотда яна шундай дейилади: Саудия билиши керакки, Ар-Риёд аэропортининг ҳолати Сано аэропортининг ҳолати каби бўлиши, Янбуъ, Жизон ва бошқа портларнинг ҳолати эса Ҳудайда портининг ҳолатига тенглашиши лозим.Баёнот давомида таъкидланишича, Саудия Арабистони тўғри йўлга қайтиш ўтмишдаги хатолар ва тажовузни давом эттириш харажатидан анча арзонроқ эканини англаши керак. Яманнинг талаби аниқ: тўлиқ мустақиллик, тўлиқ суверенитет ва қонуний ҳуқуқлар. Бундан ортиқ ҳам, кам ҳам эмас. Яман халқи бундан бошқа ҳеч қандай ечимни қабул қилмайди.Вазирлик баёнотининг сўнгида таъкидланишича, Саудия ўз ёлланма кучлари ортига яширинишга уринмоқда. Бироқ сўнгги 12 йил давомида Яман Республикасига қарши амалга оширилган қарийб 250 минг ҳаво ҳужуми амалда нима содир бўлганини яққол исботлаб турибди.
Саъда аҳолиси Яман қамалини бузиш йўлидаги саъй-ҳаракатлари учун Эронга миннатдорлик билдирди
