Вашингтон ИШИД террорчилик гуруҳини ошкора ҳимоя қилмоқда

АҚШ вакиллар палатасидаги намояндаси ўз чиқишида ИШИД террорчилик гуруҳининг Теҳрондаги террористик ҳаракатларини ҳимоя қилди

Американинг Калифорния штатининг АҚШ вакиллар палатасидаги намояндаси ўз чиқишида ИШИД террорчилик гуруҳининг Теҳрондаги террористик ҳаракатларини ҳимоя қилди. Форс ахборот агентлиги тарқатган хабарга кўра, Дина Рорабакер Америка вакиллар палатасининг хорижий ишлар бўйича комитетининг пайшанба кунги йиғилишида, ИШИД террорчилик гуруҳининг чоршанба куни Теҳронда амалга оширган террорчилик ҳаракатларидан хурсанд эканлиги билдириб, ушбу ҳодиса Американинг файдасига бўлганлигини қайд этиб ўтди. 

Чоршанба куни эрталаб ИШИД террорчилик гуруҳига қарашли бўлган террорчилар Эрон парламентида ва имом Хумайни (ра)нинг пок ҳарамларида содир этган террорчилик ҳужумларида 17 нафар инсон шаҳид бўлди ва 52 киши оғир жароҳат олди. Жаҳон мамлакатларининг етакчилари ва халқаро ташкилот расмийлари томонидан Теҳронда амалга оширилган террорчилик ҳаракатларига кескин муносабат билдириб ушбу ҳодисани қоралаб туришган бир пайтда, АҚШ конгрессининг намояндаси ИШИД террорчилик гуруҳининг қабиҳликларини ва террорчилик ҳаракатларини ҳимоя қилмоқда.