Россия АҚШнинг Москвага қарши янги санкцияларига муносабат билдирди
-
Россия АҚШнинг Москвага қарши янги санкцияларига муносабат билдирди
Вашингтон Россияни халқаро майдонда изолияция қилиб яккалантириб қўйишни кўзламоқда. АҚШнинг БМТдаги доимий вакили Никки Хейли АҚШ тез орада Россияга қарши янги санкцияларни эълон қилишини маълум қилди
Россия ташқи ишлар вазирлигининг матбуот котиби Американинг Москвага қарши янги санкцияларини жорий этишига муносабат билдириб шундай айтдики, Вашингтон Россияни халқаро майдонда изолияция қилиб яккалантириб қўйишни кўзламоқда.
Ирна агентлиги тарқатган хабарга кўра, Мария Захарова якшанба кунги чиқишида АҚШнинг Москвага қарши янги санкция киритиши учун ҳеч қандай далил исботга эга эмаслигини таъкидлаб шундай айтдики, Россия фақат халқаро майдонда таъсирли рол ўйнаётганлиги боис санкцияга учрамоқда.
АҚШнинг БМТдаги доимий вакили Никки Хейли АҚШ тез орада Россияга қарши янги санкцияларни эълон қилишини маълум қилди. Унга кўра санкцияларнинг тафсилотлари душанба куни эълон қилинади.
Америка ташқи ишлар вазирлиги 6 апрел кунида Москвага қарши кўрилган кескин чоралар давомида Россиянинг 24 нафар расмийлари ва фуқароларига ҳамда 14 та давлат ширкатларига санкция жорий этган эди.
Ғарб давлатлари ҳам 2014 йилда Россияга қарши санкцияларни киритган эди. Ғарб мамлакатларининг санкцияларига жавоб тариқасида Россия ҳам уларга кескин чораларни қўллади.
