Қисқа муддатли оч қолиш инсон организмига қандай ижобий таъсир кўрсатади

Шифокор қисқа муддатли оч қолиш инсон организмига қандай ижобий таъсир кўрсатиши ҳақида сўзлаб берди.

Қисқа муддатли оч қолиш инсон организмига ижобий таъсир кўрсатади. Бу ҳақда тиббиёт фанлари доктори, В.М. Горбатов номидаги озиқ-овқат тизимлари Федерал илмий маркази эксперти Валерий Сергеев маълум қилди, дея ёзади RT

Шифокорнинг сўзларига кўра, 12 соатдан 36 соатгача бўлган давомийликда оч қолиш организмдаги бегона элементлар – эски ва ишмайдиган тўқималар глюкоза бўлиб қайта ишланади. Глюкоза эса ўз ўрнида энергия ишлаб чиқаради.

Қолаверса, очлик вақтида организм ёғли кислоталардан энергия олади. Бу вазнни камайтириш ҳамда юрак-қон томир тизими ва таянч-ҳаракат тизими юкини қисқартиришга кўмаклашади.

“Қисқа муддатли оч қолиш иммунитет тизимини қайта ишга туширади. У инфекция, замбуруғ ва вирусларга қарши фаол кураша бошлайди. Шу боис мунтазам қисқа муддатга таомдан ўзини тийиб турувчилар камдан-кам касал бўлишади”, - дейди Сергеев.

Экспертнинг таъкидлашича, оч қолишнинг энг яхши схемаси “12/12”. Киши сўнгги таомни соат 19:00да истеъмол қилади, нонушта қилиш эса соат 07:00 тўғри келади. Мускулларнинг ўсишига “16\8” схемаси ёрдам беради. Унда киши соат 16:00 кечки овқатни еб, фақат соат 08:00да нонушта қилади.

Шифокор айниқса, соғлиғи билан муаммоси бўлган кишилар оч қолишга эҳтиёткорлик билан ёндашиш кераклигини эслатди. Овқатдан тийилиб турган вақтда сув ичишдан воз кечиш ярамайди.

Эслатиб ўтамиз, аввалроқ мунтазам равишда оч қолиш юрак етишмовчилиги хавфини камайтиради ва умрнинг узайишига ёрдам бериши хабар қилинган эди.