Ուհանում «Քովիդ-19»-ի նոր բռնկման ֆոնին իշխանությունները որոշել 11 մլն մարդու թեստավորել. խուճապահար բնակիչները «դատարկում են» քաղաքի սուպերմարկետները
Չինաստանի Ուհան քաղաքի սուպերմարկետներում քաոսային իրավիճակ է ստեղծվել՝ բոլոր բնակիչներին թեստավորելու վերաբերյալ իշխանությունների որոշման ֆոնին:
Ինչպես հաղորդում է Daily Mail-ը, քաղաքում տարածվող վիրուսի նոր բռնկման պատճառով նախատեսվում է ամբողջական վերահսկողություն սահմանել և թեստավորել բոլոր բնակիչներին:
Ուհանի խուճապահար բնակիչները «դատարկում են խանութները»: Մարդիկ պատրաստվում են ևս մեկ զանգվածային «լոքդաունի» և գնում են այն ամենն, ինչ անհրաժեշտ է՝ տնտեսական ապրանքներից մինչև սնունդ:
Հաղորդվում է, որ կորոնավիրուսի տարածման դեպքերը շատացել են հատկապես աշխատանքային միգրանտների շրջանում, ինչի պատճառով էլ որոշում է կայացվել թեստավորել 11 մլն բնակչի:
Չինաստանի որոշ շրջանների բնակիչներ արդեն իսկ խիստ սահմանափակումների են ենթարկվում՝ պայմանավորված կորոնավիրուսի հնդկական նոր հիմնամանրէի հայտնաբերմամբ, որը տարածվել է Նանկինի օդանավակայան ժամանակ մարկանցից:
Նշենք, որ տարածված վարկածի համաձայն՝ «Քովիդ-19»-ի համաճարակը բռնկվել է Ուհան քաղաքում, որտեղից էլ տարածվել Չինաստանով, ապա նաև աշխարհով մեկ:
Tert.am
Հայերեն ռադիոալիքին հետևեք սոցցանցերում
https://www.instagram.com/parstodayarmenian/
https://twitter.com/radio_armenian
https://www.reddit.com/user/armradio/
https://urmedium.com/c/armenianradio
