Փաշինյանը կհյուրընկալվի «լեհական Դավոսին»
Օգոստոս 26, 2019 20:49 Asia/Tehran
Նիկոլ Փաշինյանը Լեհաստանում կմասնակցի 29-րդ տնտեսական համաժողովին։
Հայաստանի վարչապետ Նիկոլ Փաշինյանը լեհական Կրինիցա-Զդրույ քաղաքում կմասնակցի տնտեսական համաժողովի։ Ինչպես հաղորդում է համաժողովի պաշտոնական կայքը, այս տարի Կրինիցա կժամանի մոտ 4,5 հազար մասնակից։
«Կարևորագույն հյուրերից մեկը կլինի Հարավային Կովկասում քաղաքական փոփոխությունների հեղինակ, Հայաստանի վարչապետ Նիկոլ Փաշինյանը»,- նշված է հաղորդագրությունում։
Կրինիցայի տնտեսական համաժողովը շատ հայտնի է Արևելյան Եվրոպայում։ Այստեղ քննարկվում են մակրոէկոնոմիկային և արտաքին քաղաքականությանն առնչվող հարցեր։
Հիշեցնենք, որ 2019թ-ի հունվարին Փաշինյանը մասնակցել է նաև Դավոսի համաժողովին, որտեղ հանդիպել է Ադրբեջանի նախագահ Իլհամ Ալիևի հետ։
armeniasputnik.am
Պիտակ
