ԱԱԾ–ն մտել է Ջոն Կիրակոսյանի անվան դպրոց. ուսուցչի նկատմամբ քրեական հետապնդում է հարուցվել
ԱԱԾ–ն գործողություններ է իրականացրել Ջոն Կիրակոսյանի անվան թիվ 20 դպրոցում։ Տեղեկությունը հայտնել է Երևանի քաղաքապետի խոսնակ Հայկ Կոստանյանը։
«Դպրոցի աշխատակցին տեղափոխել են ՀՀ քննչական կոմիտե»,– նշել է նա։
ՀՀ քննչական կոմիտեի մամուլի խոսնակ Գոռ Աբրահամյանն էլ «Ֆեյսբուքի» իր էջում տեղեկացրել է, որ դպրոցի աշխատակիցների մեկի նկատմամբ հանրային քրեական հետապնդում է հարուցվել ՀՀ քրեական օրենսգրքի 201-րդ հոդվածի 3-րդ մասի 1-ին և 3-րդ կետերով (անառակաբարո արարք կատարելը, որը կատարվել է վերընթաց ազգականի կամ այն անձի կողմից, որի վրա դրված է երեխայի դաստիարակության, խնամքի կամ բուժման պարտականություն)։
«Քննիչի կողմից կայացվել է նշված աշխատակցին ձերբակալելու և վարույթն իրականացնող մարմնին ներկայացնելու վերաբերյալ որոշում, ինչը և իրականացվել է»,– գրել է Աբրահամյանը։
Նշել է այս անձի հետ կատարվում են համապատասխան քննչական գործողություններ։