ՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում. Այս պահին թեկնածու չկա
Հոկտեմբեր 10, 2024 18:25 Asia/Tehran
«Քաղաքացիական պայմանագրի» վարչությունը մերժել է սեփական թիմակից Արփի Դավոյանի թեկնածությունն արդարադատության նախարարի պաշտոնում:
«Քաղաքացիական պայմանագրից» NEWS.am-ին հայտնեցին, որ այս պահին որեւէ այլ թեկնածու չկա այդ պաշտոնի համար առաջադրված:
Նշենք, որ ըստ մամուլի տեղեկությունների՝ բացի Արփի Դավոյանից առաջադրվել են նաեւ պատգամավորներ Վլադիմիր Վարդանյանի, Արուսյակ Ջուլհակյանի և Հերիքնազ Տիգրանյանի թեկնածությունները, սակայն երեքն էլ ինքնաբացարկ են հայտնել: Արփի Դավոյանի՝ նախարար դառնալուն կողմ է քվեարկել ընդամենը երկու հոգի՝ պաշտպանության նախարար Սուրեն Պապիկյանը և կուսակցության փոխնախագահ Վահագն Ալեքսանյանը:
