Գեներալ Հաջիզադե.«Իրանն տարեկան ավելի քան 40-50 հրթիռային փորձարկում է իրականացնում»
Անդրադառնալով Իրանի վերջին բալիստիկ հրթիռի փորձարկման վերաբերյալ լուրերի հրապարակմանը, Իրանի իսլամական հեղափոխության պահապանների կորպուսի ավիատիեզերական ուժերի հրամանատարն ասել է.«ԱՄՆ-ի արձագանքը ցույց է տալիս, որ այս փորձարկումը շատ կարևոր է եղել այդ երկրի համար»:
Ինչպես հաղորդում է ՖԱՐՍ լրատվական գործակալությունը, Իրանի իսլամական հեղափոխության պահապանների կորպուսի ավիատիեզերական ուժերի հրամանատար, գեներալ Ամիր Ալի Հաջիզադեն հավելել է.«Իրանը տարեկան ավելի քան 40-50 հրթիռային փորձարկում է իրականացնում»:
ԱՄՆ պետքարտուղար Մայք Պոմպեոն սույն թվականի դեկտեմբերի 1-ին, Twitter-ի իր էջում գրել էր.«Իրանը վերջերս միջին հեռահարության բալիստիկ հրթիռ է փորձարկել, որը բազմաթիվ մարտագլխիկներ կրելու հնարավորություն ունի»:
Իրանի հրթիռային ծրագրի մասին ամերիկացիների վերջերս կատարած հայտարարությունների վերաբերյալ Իրանի ԱԳ նախարար Մոհամմեդ Ջավադ Զարիֆն ասել է.«Ամերիկացիները թե՛ նախորդ և թե՛ գործող կառավարության օրոք խոստովանել են, որ ո՛չ Համատեղ գործողությունների համապարփակ ծրագիրը և ո՛չ էլ թիվ 2231 բանաձևը չեն արգելում Իրանի գործունեությունը հրթիռային ոլորտում»: