Լեհաստանի հավատարմատարը կանչվել է ը Իրանի արտաքին գործերի նախարարություն
Ի նշան բողոքի ԱՄՆ-ի և Լեհաստանի համատեղ ջանքերով Մերձավոր Արևելքում խաղաղության ու անվտանգության հարցերով հակաիրանական կոնֆերանսի անցկացման դեմ, Թեհրանում Լեհաստանի դեսպանության հավատարմատարը կանչվել է Իրանի արտաքին գործերի նախարարություն:
Թեհրանում Լեհաստանի դեսպանության հավատարմատար Վիչեկ Օնլետը շաբաթ օրը կանչվել է Իրանի արտաքին գործերի նախարարություն և նրան է փոխանցվել Իրանի Իսլամական Հանրապետության պաշտոնական բողոքի նոտան՝ ԱՄՆ-ի նախաձեռնությամբ Վարշավայում հակաիրանական կոնֆերանս անցկացնելու կապակցույամբ Լեհաստանի ցուցաբերած համագործակցության վերաբերյալ:
Իրանի արտգործնախարարության Արևելյան Եվրոպայի գրասենյակի պաշտոնյան Լեհաստանի հավատարմատարին ասել է, որ Լեհաստանի կողմից անցկացվող հակաիրանական կոնֆերանսը ԱՄՆ-ի կողմից արվող թշնամական քայլ է՝ ուղղված Իրանի դեմ և ակնկալվում է, որ Լեհաստանը չի աջակցի կոնֆերանսն անցկացնելու ԱՄՆ-ի ջանքերին:
Լեհաստանի դեսպանատան հավատարմատարն անդրադառնալով կոնֆերանսին ընդգծել է, որ Լեհաստանի դիրքորոշումը տարբերվում է ամերիկյան իշխանությունների կողմից վերջերս արված հայտարարություններից և կոնֆերանսը հակիրանական բնույթ չունի: