Զարիֆ. ԱՄՆ իրավունք չունի միջամտել Իրան-Իրաք հարաբերություններին
Իրանի Իսլամական Հանրապետության արտաքին գործերի նախարարը նշել է, որ ԱՄՆ պաշտոնյաները իրավունք չունեն միջամտել Իրան-Իրաք հարաբերություններին:
ԻՌՆԱ-ի հաղորդման համաձայն, Իրաքի Նաջաֆ նահանգում կայացած ԻԻՀ տնտեսական ակտիվիստների հետ նիստից հետո, Իրանի արտաքին գործերի նախարար Մոհամեդ Ջավադ Զարիֆը հինգշաբթի հայտարարել է, որ Իրանի և Իրաքի հարաբերությունները միշտ ջերմ են եղել:
Իրանի արտաքին գործերի նախարարն ընդգծել է, որ Իրանը լիովին պատրաստ է ընդլայնել Իրաքի հետ իր հարաբերությունները մաքսային սակագների փոխադարձաբար կրճատման կամ վերացման և սահմանամերձ շրջաններում արդյունաբերական բնակավայրերի շինարարության միջոցով:
Զարիֆը հայտարարել է, որ Բաղդադում, Էրբիլում, Սուլեյմանիայում, Քարբալայում և Նաջաֆում հինգ օրերի ընթացքում լավ հանդիպումներ է ունեցել Իրաքի պետական պաշտոնյաների և գործարար ակտիվիստների հետ:
«Իհարկե, Իրանի և Իրաքի հարաբերությունները շատ պայծառ ու վառ ապագա ունեն».ասել է Զարիֆը: