Զարիֆ. ԱՄՆ-ի օրինազանցությունները նույնիսկ ՀԳՀԾ-ից դուրս գալուց հետո չդադարեցին
Russia Today հեռուստաընկերությանը տված հարցազրույցում, ԻԻՀ ԱԳՆ Մոհամմադ Ջավադ Զարիֆն ասել է. «Եվրոպացիները պետք է իմանան, որ նույնիսկ ՀԳՀԾ-ն խախտելուց հետո, օրենքներն անտեսելու ԱՄՆ-ի «ախորժակը» չի թուլացել»:
Ռուս պաշտոնյաների հետ հանդիպելու նպատակով Մոսկվա այցելած Զարիֆն ընդգծել է, որ եվրոպացիները պետք է հավատարիմ մնան ՀԳՀԾ-ով ստանձնած իրենց պարտավորություններին:
Անդրադառնալով միջազգային պայմանագրերից, այդ թվում՝ Փարիզի կլիմայական պայմանագրից ու INF-ից դուրս գալու ԱՄՆ-ի որոշումներին, Զարիֆը հավելել է. «Ամերիկացիների այս գործողություններն ի վերջո չեն բխում նաև հենց ԱՄՆ-ի շահերից»:
Նրա խոսքերով. «Եթե որևէ երկիր սովորություն դարձնի օրենքները խախտելը, այլևս ականատես չենք լինի օրենքի գերակայությանը և միջազգային հասարակությունը կհայտնվի քաոսի մեջ»:
Զարիֆի հարցազրույցը հեռարձակվելու է այսօր: