Թեհրանում տեղի է ունեցել Իրանի ԱԳ նախարարի և ՄԱԳԱՏԷ-ի գլխավոր տնօրենի պաշտոնակատարի հանդիպումը
Իրանի ԱԳ նախարարն ընդգծել է. «Ատոմային էներգիայի միջազգային գործակալությունը պետք է իր պարտականությունները կատարի արհեստավարժ, գաղտնի և անկողմնակալ կերպով»:
Իրանի ԱԳ նախարար Մոհամմեդ Ջավադ Զարիֆը կիրակի օրը ՄԱԳԱՏԷ-ի գլխավոր տնօրենի պաշտոնակատար Կոռնել Ֆերուցեի հետ հանդիպման ժամանակ ասել է.«ՀԳՀԾ-ի շրջանակում իր պարտավորությունները կրճատելու Իրանի քայլերն արվում են եվրոպական կողմերի պարտավորությունների չիրականացման դիմաց: Այս բոլոր գործողությունները կկատարվեն ՀԳՀԾ-ի 36-րդ կետի համատեքստում»:
Իրանի ԱԳ նախարարը նաև անդրադարձել է ՄԱԳԱՏԷ-ի և Իրանի միջև համագործակցություններին, որոնց արդյունքում գործակալությունը ներկայացրել է բազմաթիվ զեկույցներ և վերահաստատել Իրանի հավատարմությունը ՀԳՀԾ-ին:
Կոռնել Ֆերուցեն ևս այդ հանդիպման ժամանակ անդրադարձել է փոխվստահության հաստատմանն ուղղված ՄԱԳԱՏԷ-ի ջանքերին, կարևորելով գործակալության պրոֆեսիոնալ և անկողմնակալ գործունեությունը:
Կոռնել Ֆերուցեն կիրակի վաղ առավոտյան ժամանել է Թեհրան՝ Իրանի բարձրաստիճան պաշտոնատարների հետ հանդիպում ու բանակցություն անցկացնելու նպատակով:
