Հնդկաստանի ԱԳ փոխնախարարը հանդիպել է Զարիֆի հետ
Իրանի ԱԳ նախարարը և Հնդկաստանի Արտաքին գործերի փոխնախարարը հանդիպել ու բանակցել են երկկողմ ու տարածաշրջանային համագործակցությունների ընդլայնման շուրջ:
Իրանի ԱԳ նախարար Մոհամմեդ Ջավադ Զարիֆը կիրակի օրը Թեհրանում Հնդկաստանի արտաքին գործերի փոխնախարար Վիջեյ Գուլքեի հետ հանդիպման ժամանակ կարևորել է տարբեր ոլորտներում երկու երկրի հարաբերությունների ընդլայնումը:
Զարիֆը նաև մտահոգություն է հայտնել Քաշմիրի բնակիչների վիճակի կապակցությամբ և հույս հայտնել, որ տարածքի պայմանները կբարելավվեն:
Խոսելով իր Թեհրան կատարած այցի նպատակների մասին, Հնդկաստանի արտաքին գործերի փոխնախարարը երկկողմ ու տարածաշրջանային ոլորտներում երկու երկրի համագործակցության, ինչու չէ նաև երկկողմ հուզող հարցերի շուրջ մտքեր է փոխանակել Իրանի ԱԳ նախարարի հետ:
Հնդկաստանի ԱԳ փոխնախարարն այցելել է Թեհրան՝ Իրանի ու Հնդկաստանի ԱԳ նախարարությունների միջև քաղաքական խորհրդակցությունների 16-րդ փուլին մասնակցելու նպատակով:
Հնդկաստանը իրանական նավթի գլխավոր գնորդներից է:
