ԻԻՀ նախագահ. Տարածաշրջանի խնդիրները պետք է լուծվեն երկխոսության միջոցով
Իրանի նախագահը հայտարարել է, որ տարածաշրջանի խնդիրները պետք է լուծվեն երկխոսության միջոցով:
Կիրակի օրը, ՌԴ-Թուրքիա-Իրան եռակողմ նիստին մասնակցելու նպատակով Անկարա մեկնելուց առաջ, Հասան Ռոհանին հայտարարել է. «Տարածաշրջանում ԱՄՆ-ի ներկայությունն անօրինական է և կրում է միջամտողական բնույթ: Այն ինչ այսօր տեղի է ունենում տարածաշրջանում և անհանգստացնում երկրներին, ԱՄՆ-ի սադրանքներ են»:
Անդրադառնալով Եմենում Սաուդյան Արաբիայի ու ԱՄԷ-ի գործողություններին, և որոշ երկրների կողմից նրանց ցուցաբերվող աջակցությանն ԻԻՀ նախագահը հավելել է. «Եմենի դեմ ոտնձգություն իրականացնողներին ցուցաբերված աջակցության հետևանքով, զոհվել են այդ երկրի մեծ թվով անմեղ քաղաքացիներ»:
Ռոհանին նշել է, որ եռակողմ նիստի առանցքում լինելու են այնպիսի հարցեր, ինչպես՝ ահաբեկչության դեմ պայքարը, Սիրիայի վերակառուցմանն ահաբեկիչների հովանավոր երկրների չմասնակցելը, փախստականների վերադարձը, սահմանադրական բարեփոխումները և 2021թ նախատեսված ընտրութունները: