Իրանի ԱԳՆ. ԱՄՆ-ի առավելագույն ճնշման քաղաքականությունն ապարդյուն է եղել
Իրանի արտգործնախարարն ընդգծելով, որ Իսլամական հանրապետության նկատմամբ ԱՄՆ-ի առավելագույն ճնշման քաղաքականությունը ձախողվել է, նշել է, որ Վաշինգտոնն այդուհանդերձ շարունակում է կիրառել այն:
Չորեքշաբթի օրը, Հարավարևելյան Ասիայի պետությունների ասոցիացիայի (ԱՍԵԱՆ) հիմնադրման 50-ամյակի շրջանակներում Թեհրանում կայացած միջոցառման ընթացքում, Իրանի արտգործնախարար Մոհամմեդ Ջավադ Զարիֆն անդրադառնալով ԱՄՆ-ի կողմից Իրանի դեմ հնչեցրած անհիմն մեղադրանքներին, ասել է, որ Իրանի դեմ մեղադրանքներ հնչեցնելու փոխարեն, ամերիկացիները պետք է քննարկեն Եմենի ժողովրդի դեմ կատարված հանցագործությունները:
Կարևորելով Եմենի պատերազմին վերջ տալու անհրաժեշտությունը, Զարիֆը հավելել է, որ Իրանը բազմիցս հայտարարել է այս հարցում աջակցություն ցուցաբերելու պատրաստակամության մասին:
Վերջին օրերին, ամերիկացի պաշտոնյաներն անհիմն կերպով Իրանին մեղադրել են Սաուդյան Արաբիայի նավթամվերամշակման օբյետկների դեմ Եմենի հարձակման հետևում կանգնած լինելու մեջ:
Եմնի բանակի 10 ԱԹՍ-եր, շաբաթ օրը հարձակում էին իրականացրել Սաուդյան Արաբիայի Արամքո նավթային ընկերության Բաղիղ և Խարսի նավթավերամշակման օբյեկտների դեմ:
