Իրանի և Օմանի ԱԳ նախարարները կարևորել են երկու երկրի շարունակական համագործակցությունը
Իրանի և Օմանի ԱԳ նախարարներն ընդգծել են երկու երկրի շարունակական համագործակցության անհրաժեշտությունը:
Օմանի ԱԳ նախարար Յուսեֆ բին Ալավին, այսօր Շվեյցարիայի Դավոսի համաժողովից վերադարձի ճանապարհին, կարճատև այցով ժամանել է Թեհրան և հանդիպում ունեցել ԻԻՀ ԱԳ նախարար Մոհամմեդ Ջավադ Զարիֆի հետ:
Հանդիպման ժամանակ, կողմերը խորհրդակցել են բոլոր երկրների համար ծովագնացության ու էներգետիկ անվտանգությունը երաշխավորելու շուրջ:
Երկկողմ ու տարածաշրջանային հարաբերությունները, հատկապես Հորմուզի նեղուցում Իրանի և Օմանի համագործակցությունը, նույնպես եղել է Զարիֆի և բին Ալավիի խորհրդակցության առանցքում:
Վերջին մեկ ամսվա ընթացքում, սա Իրանի և Օմանի ԱԳ նախարարների չորրորդ հանդիպումն է:
Օմանի ԱԳ նախարարը անցած երեքշաբթի օրը Թեհրանում հանդիպել էր Իրանի ԱԳ նախարար Մոհամմեդ Ջավադ Զարիֆին: