Իրանի ԱԳՆ. «Արտաքին սադրանքները երբեք չեն կարող թուլացնել Թեհրանի և Քաբուլի սերտ հարաբերությունները»
Նշելով, որ սադրանքները երբեք չեն կարող թուլացնել Թեհրանի և Քաբուլի սերտ հարաբերությունները, Իրանի ԱԳ նախարարությունն ընդգծել է.«Իրանը կշարունակի աջակցել Աֆղանստանի ժողովրդին»:
Իրանի ԱԳ նախարարությունը երկուշաբթի օրը թվիթերյան իր միկրոբլոգում պատասխանելով ԱՄՆ պետքարտուղարի օգնականի անհիմն հայտարարությանը, գրել է.«ԱՄՆ կառավարությունը, որի կարգախոսը եղել է.«պատ քաշենք», և որն իր սահմանային քաղաքականության պատճառով բազմիցս դատապարտվել է հանրության կողմից, չի կարող իրեն թույլ տալ խոսել ապաստանյալների իրավունքների մասին»:
Իրանի արտգործնախարարությունը հավելել է. «Որպես երկու եղբայրներ՝ Իրանի և Աֆղանստանի ժողովուրդների ամուր հարաբերությունները հիմնված են պատմական և մշակութային կապերի վրա, և սադրանքները երբեք չեն կարող թուլացնել այս սերտ հարաբերությունները»:
Թվիթերյան գրառման մեջ նշելով, որ Իրանը տասնամյակներ շարունակ հյուրընկալել է այն աֆղան փախստականներին, ովքեր ԱՄՆ-ի միջամտությունների ու ագրեսիայի հետևանքով իրականացված պատերազմի ու բախումների պատճառով ստիպված են եղել լքել իրենց երկիրը, Իրանի ԱԳ նախարարությունը հավելել է. «Իրանը կշարունակի աջակցել Աֆղանստանի ժողովրդին»:
ԱՄՆ պետքարտուղարի ժողովրդավարության և մարդու իրավունքների հարցերով տեղակալ Ռոբերտ Դեստրոն հունիսի 21-ին Իրանին մեղադրել է աֆղանցիների իրավունքները ոտնահարելու մեջ: