Իրանի առաջնորդի խորհրդական. ԱՄՆ-ն պետք է հնարավորինս շուտ չեղարկի պատժամիջոցները
Իրանի իսլամական հեղափոխության գերագույն առաջնորդի պաշտպանական հարցերով խորհրդականը հայտարարել է. «Միացյալ Նահանգները պետք է հնարավորինս շուտ չեղարկի հակաիրանական բոլոր պատժամիջոցները:
ԻՌՆԱ-ի հաղորդման համաձայն, շաբաթ օրը, Հոսեյն Դեհղանը հայտարարել է, որ ՀԳՀԾ-ն բազմակողմ միջազգային համաձայնագիր է, որը հաստատվել է ՄԱԿ-ի Անվտանգության խորհրդի կողմից և պարտադիր է անդամ երկրների համար:
Նա հավելել է. «ԱՄՆ-ը միակողմանիորեն դուրս եկավ միջուկային գործարքից և պատժամիջոցներ կիրառեց Իրանի դեմ, այդ քայլով անտեսելով բազմակողմանի քաղաքականության ձեռքբերումը և փորձելով ավելի մեծ ճնշում գործադրել Իրանի վրա»:
Նշելով, որ Միացյալ Նահանգները երբեք դրական չի արձագանքել դիվանագիտական մակարդակով ՀԳՀԾ վերադառնալու վերաբերյալ առաջարկներին, Դեհղանն ասել է. «ՀԳՀԾ-ում նոր քայլերի ելակետը պետք է դառնա պատժամիջոցների չեղարկումը և Իրանը պետք է երաշխիք ունենա, որ ամերիկացիները կշարունակեն այդ ուղին»:
