Իրանի և ԱՄՆ-ի միջև որևէ շփում չկա
Իրանի արտաքին գործերի նախարարության խոսնակը հերքել է Իրանի և ԱՄՆ-ի միջև շփման մասին լուրերը:
Սայիդ Խաթիբզադեն երկուշաբթի օրը կայացած մամուլի ասուլիսի ժամանակ Բաղդադում երկկողմ բանակցություններ վարելու ԱՄՆ առաջարկի վերաբերյալ արևմտյան որոշ լրատվամիջոցների պնդումների վերաբերյալ ասել է. «Իրանի և ԱՄՆ-ի միջև երկար ժամանակ երկխոսություն չկա»:
Իրանի դիվանագիտական համակարգի խոսնակն ընդգծել է, որ Եվրամիությունը պետք է մի կողմ դնի անգործությունը և դառնա ակտիվ դերակատար:
Խաթիբզադեն Եվրոեռյակի վերջին հայտարարության վերաբերյալ ասել է.«ՀԳՀԾ-ից ԱՄՆ-ի դուրս գալուց հետո Բրիտանիայի, Գերմանիայի և Ֆրանսիայի կառավարությունները չեն կատարել իրենց պարտավորությունները»։
«ԱՄՆ-ն աշխարհում միակ երկիրն է, որը միջուկային զենքի կիրառմամբ անամոթ հանցագործություն է կատարել և մի օր պետք է ընդունի միջուկային զինաթափումը»,- ասել է նա։
Խաթիբզադեն հավելել է․«Հարավային Կորեայում մեր արգելափակված գումարները պետք է վերադարձվեն, իհարկե այդ ուղղությամբ ջանքեր են գործադրվել, բայց դրանք բավարար չեն»։
