Բաղերի Քանին հանդիպել է Քուվեյթի ԱԳ նախարարի հետ
Իրանի ԱԳ նախարարի քաղաքական հարցերով տեղակալը հանդիպել ու խորհրդակցել է Քուվեյթի ԱԳ նախարարի հետ:
Իրանի ԱԳ նախարարի քաղաքական հարցերով տեղակալ Ալի Բաղերի Քանին նոյեմբերի 25-ին հանդիպել է Քուվեյթի ԱԳ նախարար շեյխ Ահմադ Նասեր ալ-Մոհամմադ ալ Սաբահի հետ։
Հանդիպման ժամանակ կողմերը քննարկել են Իրանի և Քուվեյթի երկկողմ հարաբերությունները։
Հաղորդման համաձայն՝ Բաղերի Քանին և շեյխ Ահմադ Նասեր ալ Մոհամմադ ալ-Սաբահը քննարկել են նաև տարածաշրջանային և միջազգային վերջին զարգացումները։
Բաղերի Քանին չորեքշաբթի օրը մեկնել էր նաև Արաբական Միացյալ Էմիրություններ և հանդիպել այդ երկրի նախագահի դիվանագիտական հարցերով խորհրդական Անվար Գարգաշի հետ։
Տարածաշրջանի երկրներում Ալի Բաղերի Քանիի խորհրդակցությունները անցկացվում են Վիեննայի բանակցություններին ընդառաջ։
Նոյեմբերի 29-ին Վիեննայում կայանալու է ՀԳՀԾ-ի համատեղ հանձնաժողովի բանակցությունների 7-րդ փուլը:
