Շարունակվում է «Ծովային անվտանգության գոտի 2022» համատեղ զորավարժությունները
Իրանի, Չինաստանի ու Ռուսաստանի ռազմածովային ուժերի ցամաքային և թռիչքային ստորաբաժանումների մասնակցությամբ, շարունակվում է «Ծովային անվտանգության գոտի 2022» համատեղ զորավարժությունը:
Զորավարժությունների խոսնակ, երկրորդ ծովակալ Մուստաֆա Թաջալդինին ասել է. «Իրանի, Չինաստանի ու Ռուսաստանի ռազմածովային ուժերի ներկայությամբ այս զորավարժությունների հիմնական փուլերի անցկացումից հետո՝ նախապես որոշված սցենարի համաձայն՝ իրականացվել է միջազգային ջրերում ծովահենների կողմից առևանգված երկու առևտրային նավերի ազատ արձակման գործողությունը»։
Ծովակալ Թաջալդինին հավելել է.«Զորավարժությունների այս փուլում՝ առևանգված նավերից շտապ հաղորդագրություն ստանալուց հետո, նախ գործողության տարածքը հետախուզվել և որոնվել է ռազմածովային ուղղաթիռներով, այնուհետեւ «Ջամարան» ռազմանավը, որը ղեկավարում էր զորավարժությունները, ուղարկել է տարածքում տեղակայված ռազմանավերին, ազատագրման օպերացիան իրականացնելու համար»:
Նա հստակեցռել է.«Բանակի և ԻՀՊԿ հատուկ գործողությունների ուժերը, Չինաստանի և Ռուսաստանի հատուկ նշանակության ուժերի մասնակցությամբ, նավի հրդեհաշիջման գործողությունից հետո, օդից իջնելով առևանգված նավի տախտակամածի վրա՝ ձերբակալել են ծովահեններին, և ազատագրել են նավը»։
Ծովակալ Թաջալդինին ընդգծել է, որ Իրանը կկանխի ծովում ցանկացած սպառնալիք, հավելել է. «Իրանի, Չինաստանի ու Ռուսաստանի Ծովային անվտանգության գոտի 2022 համատեղ զորավարժություններն անցկացվում են ռազմական և անվտանգային համագործակցություններին համահունչ՝ սպառնալիքներին դիմակայելու և ռազմածովային ուժերի ռազմավարական հնարավորությունների զարգացման նպատակով»: