Խաթիբզադե.Կանադական կողմը պատասխանատվություն է կրելու Իրանի հետ ընկերական ֆուտբոլային խաղ անցկացնելու մասին պայմանավորվածության խախտման հետևանքների համար
Իրանի արտաքին գործերի նախարարության խոսնակն ասել է. «Իրանի և Կանադայի ֆուտբոլի ազգային հավաքականների միջև նախապատրաստական խաղի անցկացման պայմանների վերաբերյալ պայմանավորվածության խախտման հետևանքների պատասխանատվությունը կրելու է կանադական կողմը»։
Սաիդ Խաթիբազդեն երեքշաբթի օրն Իրանի և Կանադայի ազգային հավաքականների նախապատրաստական խաղի վերաբերյալ Կանադայի կառավարության որոշ պաշտոնյաների քաղաքական հայտարարությունների մասին նշել է.«Ցավոք թվում է,որ հակառակ որոշ ցուցադրական հայտարարություններին մարզական հարցերն էլ Կանադայում դարձել են կուսակցական և քաղաքական կողմնորոշումների խաղալիք»:
«Կանադայի վարչապետի և այլ անձանց բացասական դիրքորոշումներն ու մեկնաբանությունները վկայում են Կանադայի կառավարման բոլոր ասպեկտների նկատմամբ զուտ քաղաքական և կուսակցական մոտեցման գերակայության մասին, հետևաբար, կանադացի պաշտոնյաների պահվածքը հեշտությամբ դառնում է ընդդիմադիր և հակաիրանական խմբերի ձեռքի խաղալիքը», ասել է Խաթիբզադեն:
Իրանի արտաքին քաղաքական գերատեսչության խոսնակն հավելել է. «Կանադայի կառավարությունից ու ֆեդերացիայից ակնկալվում է՝ Ֆուտբոլի համաշխարհային ֆեդերացիայի (ՖԻՖԱ) ճանաչված սկզբունքների և սպորտի պրոֆեսիոնալ կանոնադրության համաձայն՝ նախապատրաստական խաղն անցկացնել քաղաքական սկանդալներից և քարոզչական ճնշումներից զերծ»:
Հունիսի 6-ին Վանկուվերում նախատեսված է Իրանի և Կանադայի ֆուտբոլի ազգային հավաքականների նախապատրաստական հանդիպումը։