Իրանի ԱԳՆ խոսնակն անդրադարձել է Թեհրանում Մեծ Բրիտանիայի դեսպանի հայտարարություններին
ԻԻՀ ԱԳՆ խոսնակը Թեհրանում Մեծ Բրիտանիայի դեսպանին խորհուրդ է տվել, եթե տեղյակ չէ իր կառավարության կողմից Իրանի ժողովրդի նկատմամբ ճնշումների երկար պատմությանը, ուսումնասիրել պատմությունը և զերծ մնալ անհիմն պնդումներից։
Արձագանքելով Թեհրանում Մեծ Բրիտանիայի դեսպանի վերջին հայտարարությանն այն մասին, թե ինչ կարծիք ունեն բրիտանացիներն իրանցիների մասին, Քանանի Չաֆինա սել է. «Թեհրանում Մեծ Բրիտանիայի դեսպանը պետք է ջանքեր գործադրի փոխհատուցելու բրիտանական կառավարության սխալ քաղաքականությունը և Իրանի ժողովրդի նկատմամբ տարբեր ժամանակներում նրա անընդունելի գործողությունները և կենտրոնանա երկու երկրների հարաբերությունների զարգացման վրա՝ հիմնված փոխադարձ հարգանքի սկզբունքի վրա»։
Վերջերս ԶԼՄ-ները հաղորդեցին, որ Թեհրանում Մեծ Բրիտանիայի դեսպան Սայմոն Շերկլիֆը Շիրազ քաղաքում Ֆարս Առևտրի պալատի անդամների հետ հանդիպման ժամանակ ասել է. «Բրիտանիան հարգում է բրիտանացիների նկատմամբ Իրանի ժողովրդի բացասական վերաբերմունքը, բայց բրիտանացիները նույնն են զգում»։
Դեսպանը նաև նշել է, որ երկու երկրների միջև տնտեսական հարաբերությունների անկման մեղքի 90%-ը իրանական կողմինն է։
