Իրանի զինված ուժերը տարածաշրջանի և աշխարհի մասշտաբով բարձր կանխարգելիչ ուժ են ձեռք բերել
Իրանի Զինված ուժերի գերագույն գլխավոր հրամանատարի ռազմական հարցերով խորհրդականն ասել է.-« Սիոնիստական ռեժիմը, որը վերջին շրջանում հուսահատությունից, անօգնականությունից և ներքին անկարգություններից դրդված սպառնալիքներ ու հերյուրանքներ է հնչեցնում, լավ գիտի, որ Իրանի Իսլամական Հանրապետությունը մի պահ անգամ չի վարանի իր ազգային անվտանգության և ազգային շահերի հարցում»։
Բրիգադային գեներալ Ամիր Հաթամին հավելել է. «Իրանի Իսլամական Հանրապետությունը կանխարգելիչ ուժ ձեռք է բերել՝ հրթիռային հզորության ոլորտում և արդյունավետ բաղադրիչներում, ինչպիսիք են բազմազանությունը, հեռահարությունը, ճշգրտությունը և մանևրելիությունը»:
Նշելով,որ Իսլամական Իրանն աշխարհի 5 լավագույն անօդաչու թռչող սարքեր ունեցող տերությունների շարքում է, Բրիգադային գեներալ Ամիր Հաթամին հստակեցրել է.« Իրանի անօդաչու թռչող սարքերի հզորության հետ կապված վերջերս բարձրացված աղմուկի զգալի մասը, թեև ստախոսություն է և հուսահատությունից ու պասիվությունից դրդված քայլ, միևնույն ժամանակ, դա նշանակում է ,որ նրանք խոստովանում են Իրանի անօդաչու թռչող սարքերի հզորությունը»:
Նա ընդգծել է.-«Իրանը արժեքավոր առաջընթաց է գրանցել ուղղաթիռների և ինքնաթիռների ոլորտում, և այդ առաջընթացի օրինակ է չորրորդ սերնդի տեխնոլոգիայով իրանական «Քոսար» կործանիչի կառուցումը»։
