Իրանի ԱԳՆ խոսնակ. Սաուդյան Արաբիայում իսլամական երկրների ղեկավարների գագաթնաժողովի եզրափակիչ բանաձևն ամուր և հաստատուն է
Իրանի արտաքին գործերի նախարարության խոսնակն ասել է. -Իրանի Իսլամական Հանրապետության առաջարկները ներառվել են Սաուդյան Արաբիայում կայացած իսլամական երկրների ղեկավարների գագաթնաժողովի եզրափակիչ բանաձևում, և այս բանաձեւը խստաոճ է,որում ներառված նախադասությունները վճռական ու կտրուկ են։
Ի պատասխան Ռիադում Իսլամական համագործակցության կազմակերպության ղեկավարների արտահերթ գագաթնաժողովի կողմից ընդունված բանաձեւի մասին հարցին՝ Իրանի արտաքին գործերի նախարարության խոսնակ Նասեր Քանանի Չաֆին հավելել է.- Բանակցությունների ընթացքում ԻԻՀ-ի առաջարկները որպես փաստաթուղթ ներառվել են եզրափակիչ բանձևում։ Բանաձեւը խստաոճ է,որում ներառված նախադասությունները վճռական ու կտրուկ են։
Շաբաթ օրը (նոյեմբերի 11-ին) Սաուդյան Արաբիայի մայրաքաղաք Ռիադում տեղի ունեցավ Իսլամական և արաբական երկրների ղեկավարների արտահերթ գագաթնաժողովը՝ Գազայի և Պաղեստինի ներկայիս իրավիճակը քննարկելու նպատակով։Գագաթնաժողովի ավարտին հրապարակվեց հայտարարություն ,որում գագաթնաժողովի մասնակիցները դատապարտելով Գազայի հատվածում Պաղեստինի ժողովրդի դեմ Սիոնիստական ռեժիմի շարունակվող հանցագործությունները, ընդգծել են Գազայի շրջափակումը վերացնելու և արաբական, իսլամական և միջազգային մարդասիրական օգնություններ այս տարածք ուղարկելու անհրաժեշտությունը։
Իրանի արտաքին գործերի նախարարության խոսնակը, թվարկելով Ռիադի գագաթնաժողովում ընդունված բանաձևի կետերը, հստակեցրել է,-Սիոնիստական ռեժիմին զենքի մատակարարումը դադարեցնելու վերաբերյալ բոլոր պետություններին ուղղված կոչը, բախումներին անհապաղ վերջ տալու մասին ՄԱԿ-ի ԱԽ-ի կողմից անհապաղ որոշում կայացնելը , հիվանդանոցների ոչնչացումը կանխելը, դեղորայքի , սննդամթերքի և վառելիքի մուտքի արգելքը վերացնելը , Գազայի պաշարման վերացումը և արաբական, իսլամական ու միջազգային մարդասիրական օգնության շարասյունների Գազա մուտքը ապահովելը՝ Ռիադում կայացած գագաթնաժողովի եզրափակիչ բանաձևում նշված առանցքային կետերն են։
2023 թվականի հոկտեմբերի 7-ին, Պաղեստինի դիմադրության ուժերը Գազայի հատվածից «Ալ-Աղսա փոթորիկ» անվամբ անսպասելի գործողություն սկսեցին Ղոդսը բռնազավթած ռեժիմի դիրքերի դեմ, և այս զավթիչ ռեժիմը վրեժ լուծելու, իր պարտությունը հատուցելու և դիմադրության գործողությունները դադարեցնելու համար, ԱՄՆ-ի և արևմտյան շատ երկրների օգնությամբ, ձեռնամուխ եղավ Գազայի բուժկենտրոնների և բնակելի միավորների ռմբակոծությանը։ Սիոնիստական ռեժիմի հանցագործությունների հետևանքով մինչ այժմ նահատակվել է ավելի քան 11 հազար պաղեստինցի;
