Իրանի Ատոմային էներգիայի կազմակերպության ղեկավար. ՄԱԳԱՏԷ-ի գործունեության հիմքում դրված են ՀԳՀԾ-ն և 2231 բանաձևը
Իրանի ատոմային էներգիայի կազմակերպության ղեկավարն ասել է, որ Իրանի հետ կապված Ատոմային էներգիայի միջազգային գործակալության գործունեության հիմքում դրված է ՀԳՀԾ-ն և 2231 բանաձևը, իսկ Իրանը նաև օրենքի հիման վրա իրականացնում է ուրանի հարստացման ռազմավարական գործողությունը։
Մոհամմադ Էսլամին չորեքշաբթի օրը կառավարության նիստի շրջանակում հայտարարեց, որ Իրանի գործողություններն իրականացվում են վերահսկողության և երաշխիքների համաձայնագրի շրջանակներում, իսկ Ատոմային էներգիայի միջազգային գործակալությունը նույնպես վերահսկում է այն։
Ասելով, որ Իրան մուտք գործելու համար հավատարմագրված են ՄԱԳԱՏԷ-ի 120 տեսուչներ, Էսլամին հույս է հայտնել, որ Ատոմային էներգիայի միջազգային գործակալությունը կխուսափի Իրանի խաղաղ միջուկային գործունեության քաղաքականացման կրկնումից։
Ապավինելով տեղական մասնագետների կարողություններին՝ Իրանի Իսլամական Հանրապետությունը ձեռնամուխ է եղել միջուկային էներգիայի խաղաղ օգտագործմանը, և բարեխղճորեն ապացուցել, որ այլ նպատակ չունի, քան այդ էներգիայի խաղաղ և արդյունաբերական օգտագործումը։
Վերջին տարիներին Իրանի միջուկային ոլորտի գիտնականներին հաջողվել է արտադրել լայն սպառում ունեցող ապրանքներ, որոնք անհրաժեշտ են երկրի գիտական և հետազոտական կենտրոններին:
