Ամիր Աբդոլլահյանը մեկնել է Քուվեյթ
Իրանի Իսլամական Հանրապետության արտաքին գործերի նախարարը մեկնել է Քուվեյթ՝ ցավակցություն հայտնելու Քուվեյթի կառավարությանն ու ժողովրդին՝ այդ երկրի էմիրի մահվան կապակցությամբ։
Քուվեյթի Էմիրի ատյանը շաբաթ օրը (դեկտեմբերի 16-ին) հայտարարեց 86 տարեկան հասակում այդ երկրի էմիր շեյխ Նավաֆ ալ-Ահմեդ ալ-Սաբահի մահվան մասին։
Քուվեյթի Սահմանադրության համաձայն, այդ երկրի կառավարությունը նոր էմիր է հռչակել 83-ամյա գահաժառանգ Միշաալ ալ-Ահմեդ ալ-Ջաբեր ալ-Սաբահին։
ԻԻՀ Նախագահ Սեյեդ Էբրահիմ Ռայիսիի անունից, ԱԳ նախարար Հոսեյն Ամիր Աբդոլլահյանը՝ հանգուցյալ էմիրի մահվան կապակցությամբ Քուվեյթի կառավարությանն ու ժողովրդին ցավակցություն ու կարեկցանք հայտնելու նպատակով այսօր (կիրակի) Թեհրանից մեկնել է Քուվեյթ:
Իրանի արտգործնախարարն այս այցի ընթացքում և Քուվեյթի բարձրաստիճան պաշտոնյաների հետ հանդիպման ժամանակ կարևորելու է ներկայիս բարեկամական և եղբայրական հարաբերությունների ընդլայնումը բոլոր ոլորտներում։