Իրանի նախագահ. Գազայի ժողովրդի դիրքորոշումը վիճարկել է անարդար աշխարհակարգը
Իրանի Իսլամական Հանրապետության նախագահն ասել է. «Գազայի ժողովուրդը ոչ միայն չսպասեց որոշ իսլամական երկրների և կառավարությունների աջակցությանը, այլև իր աննախադեպ դիմադրությամբվիճարկել է անարդար աշխարհակարգը»:
Իրանի Ռադիոհեռուստատեսության լրատվական գործակալության փոխանցմամբ՝ Իրանի Իսլամական Հանրապետության նախագահ Սեյեդ Էբրահիմ Ռայիսին Պաղեստինի Իսլամական Ջիհադ շարժման գլխավոր քարտուղար Զիյադ Նախալեի հետ հանդիպման ժամանակ բարձր է գնահատել Գազայի դիմադրության խմբերի խիզախությունը սիոնիստների հանցագործությունների դեմ և ընդգծել պաղեստինյան խմբերի միասնությունը՝ նշելով, որ Գազան այսօր Պաղեստինի ժողովրդի դիմադրության, հավատքի ու տոկունության հաղթանակի ասպարեզն է Սիոնիստական ռեժիմի և ԱՄՆ-ի մութ և բռնաճնշող էության ու աննախադեպ հանցագործությունների դեմ:
Իրանի Իսլամական Հանրապետության նախագահը մատնանշել է դիմադրության խմբերի և Պաղեստինի ժողովրդի խոսույթի գերակայությունը՝ ապացուցելու դիմադրության ու տոկունության տարբերակի, որպես Սիոնիստական բռնազավթիչ ռեժիմի դաժանությանն ու հանցավորությանը դիմակայելու միակ տարբերակ, իրավացիությունը, հատկապես աշխարհի քաղաքական էլիտաների համար, ինչպես նաև այս ռեժիմի անպարտելիության թեզի սուտ լինելը, և հավելեց, որ Գազայի ժողովուրդը նաև ապացուցեց, որ այս ռեժիմը հավատարիմ չէ որևէ օրենքի, միջազգային պայմանագրի և մարդասիրական սկզբունքների՝ ցանկացած մակարդակում։
Ռայիսին ընդգծել է, որ Պաղեստինը դիմադրության իրավունք ունի նույն պատճառով, որ կյանք ունենալու իրավունք ունի, և յուրաքանչյուր ոք, ով մերժում է պաղեստինյան դիմադրությունը, իրականում մերժում է Պաղեստինի կյանքի իրավունքը։
Իրանի Իսլամական Հանրապետության նախագահը, ընդգծելով դիմադրության շարժմանն ու Գազայի ճնշված ու հզոր ժողովրդին աջակցելու Իսլամական Հանրապետության ռազմավարությունը, քննադատել է որոշ իսլամական երկրների ղեկավարների պասիվությունն ու անգործությունը Պաղեստինի ժողովրդի նկատմամբ իրենց պարտականությունը կատարելու հարցում, և անդրադառնալով Սիոնիստական ոճրագործ ռեժիմի դեմ Գազայի ճնշված ժողովրդի ուժեղ դիմադրությանն ու տոկունությանը, ասաց, որ Գազայի ժողովուրդը չսպասեց որոշ իսլամական երկրների և պետությունների աջակցությանը, այլև իր աննախադեպ դիմադրությամբ ապացուցեց մարդու իրավունքների պաշտպանությանը հավակնող միջազգային մարմինների, կազմակերպությունների և միությունների անարդյունավետությունը՝ վիճարկելով անարդար աշխարհակարգը:
Պաղեստինի իսլամական Ջիհադ շարժման գլխավոր քարտուղար Զիյադ Նախալեն նույնպես բարձր է գնահատել Իրանի ժողովրդի անմնացորդ աջակցությունը Գազայի ժողովրդի դիմադրության և տոկունության գաղափարներին՝ ասելով, որ այսօր պաղեստինյան ժողովուրդը իր տոկունությամբ անակնկալի է բերել սիոնիստ թշնամուն և նրա դաշնակիցներին, հատկապես Միացյալ Նահանգներն։
Պաղեստինյան Իսլամական Ջիհադ շարժման գլխավոր քարտուղարը նաև երախտագիտություն է հայտնել դիմադրության առանցքի աջակցությունը պաղեստինյան ժողովրդի նկատմամբ՝ հավելելով, որ այդ անզուգական աջակցությունն ու սատարումը, Գազայի ժողովրդի և պաղեստինցի մոջահեդների ոգին բարձրացնելուց բացի, պարունակում էր այն կարևոր ուղերձը, որ պաղեստինյան ժողովուրդը սիոնիստական թշնամու դեմ պայքարում միայնակ չէ։