Իսլամական Հանրապետության հարատևությունն ու արժանապատվությունը կախված է ժողովրդի ներկայությունից
ԻԻՀ գերագույն առաջնորդ այաթոլլահ Խամենեին ասել է․ «Աշխարհում Իսլամական Հանրապետության կայունությունը, հարատևությունն ու արժանապատվությունը կախված է Ժողովրդի ներկայությունից»։
«Մեհր» գործակալության հաղորդմամբ՝ այսօր առավոտյան իմամ Խոմեյնու հոսեյնիեյում, որտեղ ներկա են եղել 200 լրագրողներ ու օպերատորներ, առաջնորդն մասնակցել է նախագահի 14-րդ շրջանի քվեարկությանը։
Քվեարկելուց հետո այաթոլլահ Խամենեին ասել է․ «Մեզ՝ իրանցիներիս համար, ընտրությունների օրն ուրախության օր է։ Եվ ընտրություններին ժողովրդի ակտիվ ներկայությունը կարևոր է Իսլամական Հանրապետության համար»։
Նա նշել է․ «Քաղաքացիներին հորդորում եմ լուրջ վերաբերվել ընտրություններին և մասնակցել այս կարևոր քաղաքական իրադարձությանը։ Իսլամական համակարգը կարևորում է ժողովրդի ներկայությունը և աշխարհում Իսլամական Հանրապետության գոյատևումն ու հեղինակությունը կախված է ժողովրդի ներկայությունից»։
Առաջնորդի խոսքով․ «Ընտրությունների օրը մեզ՝ իրանցիներիս համար, ուրախության օր է, հատկապես, երբ ընտրվում է նախագահը և ժողովուրդը որոշում է երկրի ապագան»։