Իրանը Հնդկաստանի գլխավոր երթուղին է Ասիայի սիրտը ներթափանցելու համար
Հնդկաստանի կողմից Չաբահարի համաձայնագրի նոր մեկնությունը, հնարավոր փորձ է որ այս մեծ երկիրը, Իրանի հետ այս համաձայնության միջոցով մուտք գործի դեպի Ասիայի խորքը:
Բանդար Չաբահարը, որը գտնվում է Օման ծովի ափին, Իրանի հարավ-արևելքում, վկայում է Հնդկաստանի և Իրանի միջև աճող հարաբերությունների մասին: Ինչպես նշում է Pars Today-ը, Չաբահարը եզակի ճանապարհ է, որը Հնդկաստանը Աֆղանստանով կապում է Կենտրոնական Ասիայի սրտին: Ուստի Չաբահարի համաձայնագիրը շատ կարևոր համաձայնագիր է Հնդկաստանի հարաբերությունները զարգացնելու և Կենտրոնական Ասիայի երկրներ մուտք գործելու նպատակով, որը 2016 թվականին ստորագրել են Հնդկաստանի, Իրանի և Աֆղանստանի տրանսպորտի նախարարները։
Այժմ օրակարգում է, թե ինչպես կարելի է իրականացնել Իրան-Հնդկաստան համաձայնագիրը՝ վերանայելով դրա մասերը։ Իրանական Economic News կայքը գրում է. «India Port Global-ի և Իրանի նավահանգիստների և նավագնացության կազմակերպության միջև ստորագրված համաձայնագրի համաձայն՝ India Port Global-ը պարտավորվել է ավելացնել իր ներդրումները սկզբնական 85 միլիոն դոլարից մինչև 120 միլիոն դոլար՝ Չաբահար նավահանգստում սարքավորումների տրամադրման համար»։
Բացի այդ, Չաբահարը պատրաստ է ինտեգրվել Հյուսիս-Հարավ միջազգային տրանսպորտային միջանցքին (INSTC), որը ձգվում է Ռուսաստանից մինչև Հնդկաստան:
Հյուսիս-Հարավ միջանցքը ճանապարհ է հարթել Հնդկաստանի, Ռուսաստանի, Իրանի և այլ երկրների միջև, այդ թվում՝ Ադրբեջանի, Հայաստանի, Ղազախստանի, Ղրղզստանի, Տաջիկստանի, Թուրքիայի, Ուկրաինայի, Սիրիայի, Բելառուսի և Օմանի միջև համագործակցության համար: Այս բազմակողմանի միջանցքը համատեղում է երկաթուղային և ծովային փոխադրումները և ավելի ծախսարդյունավետ է, քան Չինաստանի «Գոտի և ճանապարհ» նախաձեռնությունը և Չինաստան-Պակիստան տնտեսական միջանցքը:
Դիտորդների կարծիքով՝ այս գործընկերության ռազմավարական հիմքերը խորապես միահյուսված են աշխարհաքաղաքական և տնտեսական փոխադարձ շահերի հետ, որոնք ընդհանուր են երկու երկրների համար։
Շատ վերլուծաբաններ կարծում են, որ Իրանի և Հնդկաստանի միջև ակտիվ փոխգործակցությունը սահմանափակ շահերից վեր մոտեցում է և ոչ միայն օգուտ է բերում երկու երկրներին, այլև ամրապնդում է տարածաշրջանային զարգացման և համագործակցության ավելի լայն մակարդակը:
Իրականում Իրանի Չաբահար նավահանգիստը երկու երկրների՝ Իրանի և Հնդկաստանի համար առաջնորդող աստղի է նման և աշխարհաքաղաքական անորոշության ֆոնին լուսավորում է ճանապարհը: Շատ փորձագետների կարծիքով՝ Չաբահարը կարող է փոխել տարածաշրջանի դինամիկան։