ԻԻՀ առաջնորդն ասել է․ «Մարդիկ չպետք է վարանեն մասնակցել ընտրություններին»
Առաջնորդի մամուլի գրասենյակի փոխանցմամբ՝ այսօր հունիսի 28-ի առավոտյան, այաթոլլահ Խամենեին իմամ Խոմեյնու Հոսեյնիում մասնակցել է նախագահական ընտրությունների 14-րդ փուլի քվեարկությանը։
Քվեարկությունից հետո առաջնորդը նշել է, որ Իսլամական Համակարգի հարատևությունը կախված է մարդկանց ներկայությունից, հավելելով․ «Իրանի սիրելի ժողովուրդ։ Լուրջ վերաբերվեք այս քաղաքական իրադաձությանը և մասնակցեք ընտրություևններին և որևէ կասկած մի ունեցեք»։
Նա նշել է․ «Իրանի Իսլամական Հանրապետությունը, ինչպես երեւում է անունից, ունի ժողովրդի ներկայության կարիքը։ Աշխարհում Իսլամական Հանրապետության պատիվն ու հեղինակությունը կախված է ժողովրդի ներկայությունից»:
Նշելով, որ Իսլամական Համակարգի ճշմարտացիությունն ու ազնվությունն ապացուցելու համար անհրաժեշտ է ժողովրդի մասնակցությունն ընտրություններին, առաջնորդը հավելել է. «Թող առաջիկա տարիները լավ տարիներ լինեն Իրանի համար, և ժողովուրդը գոհ լինի իր ընտրությունից»։
Այսօր առավոտյան, Իրանի ողջ տարածքում, 59 հազար ընտրատեղամասերում և աշխարհի 95 երկրներում, մեկնարկել են Իրանի նախագահական 14-րդ շրջանի ընտրությունները։
Ընտրություններում քվեարկելու իրավունք ունի 61 մլն 452 հազար 321 մարդ։