Իրանն ու Ճապոնիան ընդլայնում են համագործակցությունը բնապահպանության ոլորտում և ավելացնում ածխածնի արտանետումների նվազեցմանն ուղղված ջանքերը
Վկայակոչելով ԻՌՆԱ գործակալությունը, Pars Today-ը հաղարդում է, որ Իրանի շրջակա միջավայրի պաշտպանության կազմակերպության ղեկավարն ընդգծել է Թեհրանի շահագրգռվածությունը՝ ընդլայնելու Ճապոնիայի հետ բնապահպանության ոլորտում համագործակցությունը։
Նա նշել է․ «Բնապահպանական խնդիրների ոլորտում համագործակցության տարբեր կարողություններ կան, որոնք պետք է օգտագործվեն»։
Իրանում Ճապոնիայի դեսպան Ցուկադա Տամաքիի հետ Թեհրանում կայացած հանդիպման ժամանակ, Շինա Անսարին ընդգծել է Իրանի շահագրգռվածությունն՝ ընդլայնելու Ճապոնիայի հետ բնապահպանական համագործակցությունը։
Անսարին հավելել է․ «Իրանը ողջունում է կլիմայի փոփոխությանը դիմակայելուն և ածխածնի արտանետումները նվազեցնելուն ուղղված համագործակցությունը»։
Հանդիպմանը Շինա Անսարին անդրադարձել է երկու երկրների մշակութային, սոցիալական և պատմական ընդհանրություններին և ընդգծել շրջակա միջավայրի ոլորտում երկկողմ համագործակցության շարունակման անհրաժեշտությունը:
Թեհրանում Ճապոնիայի դեսպանը ներկայացրել է Տոկիոյի մոտեցումն Իրանի հետ բնապահպանական համագործակցության վերաբերյալ և ասել․ «Նկատի ունենալով Տոկիոյի և Թեհրանի միջև համագործակցությունն ամրապնդելու և ընդլայնելու պոտենցիալը, Ճապոնիայի կառավարության աշխատանքային ծրագրում ներառվել է Ուրմիա լճի վերականգնման ծրագիրը»։
Ցուկադա Տամակին նշել է, որ Ճապոնիան շատ լավ փորձ ունի խոնավ տարածքների, ծովային միջավայրի և անապատացման ու փոշու դեմ պայքարի ոլորտում։