Սեպտեմբերի 23-ը Իրանի Իսլամական Հանրապետության դրոշի օրն է
Իրանի Իսլամական Հանրապետության դրոշի ազգային օրվան նվիրված՝ Երևանում Իրանի դեսպանությունում տեղի ունեցավ Իրանի պետական դրոշի փոխարինման և նոր դրոշի բարձրացման հանդիսավոր արարողություն՝ ՀՀ-ում։
Իրանի Իսլամական Հանրապետության նոր դրոշը՝ Իրանի Իսլամական Հանրապետության պետական օրհներգի հնչյունների ներքո և ներկաների մասնակցությամբ, բարձրացվեց և ծածանվեց դեսպանության շենքի վրա։
Յուրաքանչյուր երկրի դրոշը տվյալ երկրի ինքնության, պատմության և մշակույթի խորհրդանիշն է։ Իրանցիների համար ևս Իրանի Իսլամական Հանրապետության դրոշը ազգային ինքնության, հայրենիքի, ինչպես նաև Իրանի մշակութային և պատմական ժառանգության հետ կապի խորհրդանիշն է։ Ազգային, գիտական, մշակութային, մարզական և միջազգային միջոցառումների ժամանակ այն աշխարհի ցանկացած անկյունում ներկայացնում է Իրանի անունն ու երկիրը։
Իրանի Իսլամական Հանրապետության Սահմանադրության 18-րդ հոդվածի համաձայն՝ «Իրանի պաշտոնական դրոշը կանաչ, սպիտակ, կարմիր եռագույնն է՝ Իսլամական Հանրապետության հատուկ խորհրդանշանով՝ «Ալլահ օ աքբար»-ով»։
- Կանաչը խորհրդանշում է բարօրությունն ու զարգացումը, ինչպես նաև Իրանի ժողովրդի ձգտումը՝ ունենալու բարեկեցիկ և զարգացած հայրենիք։
-Սպիտակը խաղաղության խորհրդանիշն է, որը արտահայտում է Իրանի ժողովրդի խաղաղասիրությունն ու մյուս ժողովուրդների հետ բարեկամության և համերաշխության մեջ ապրելու ցանկությունը։
-Կարմիրը խորհրդանշում է տոկունությունն ու վճռականությունը՝ ի պաշտպանություն սեփական երկրի անկախության, հայրենի հողի և Իրանի ժողովրդի իրավունքների։
Դրոշի կենտրոնում կարմիր գույնով պատկերված է Իրանի Իսլամական Հանրապետության խորհրդանշանը։ Սպիտակ շերտի եզրագծերին նաև 22 անգամ՝ քուֆիական ճարտարապետական գրատեսակով, կրկնվում է «Ալլահ օ աքբար» («Աստված մեծ է») արտահայտությունը․ 11 անգամ՝ կանաչ և սպիտակ, ևս 11 անգամ՝ սպիտակ և կարմիր շերտերի սահմանագծերին։ 22 թիվը խորհրդանշական հղում է Բահման ամսվա 22-ին՝ Իրանի Իսլամական հեղափոխության հաղթանակի օրվան։
