Զարիֆ. Ահաբեկչության դեմ պայքարում անհրաժեշտ է համաշխարհային համագործակցություն
ԻԻՀ ԱԳ նախարարն ընդգծել է ահաբեկչության դեմ լուրջ պայքարի համար աշխարհի երկրների միջև համագործակցության անհրաժեշտությունը:
ԻՌՆԱ-ի հաղորդման համաձայն, երեքշաբթի օրը Մոսկվայում Ռուսաստանի ԱԳ նախարար Սերգեյ Լավրովի հետ հանդիպման ժամանակ անդրադառնալով աշխարհում ահաբեկչության տարածման վտանգի կապակցությամբ, Զարիֆն ասել է. «Ահաբեկչությունը սահման չի ճանաչում և Թեհրանը, Մոսկվան ու Անկարան պետք է համագործակցեն դրա դեմ պայքարում»:
«Ահաբեկչության դեմ պայքարում ԻԻՀ-ն կանգնած է մնալու Ռուսաստանի կողքին: Ահաբեկչական գործողությունները որևէ արդարացում չունեն»,-հավելել է ԻԻՀ ԱԳ նախարարը, ևս մեկ անգամ ցավակցություն հայտնելով Անկարայում Ռուսաստանի դեսպանի սպանության կապակցությամբ:
Զարիֆը նշել է, որ Իրանն ու Ռուսաստաննն ահաբեկչության դեմ պայքարի առաջատարներից են: «Այս ոլորտում երկու երկրի համագործակցությունը հաջող է եղել և հնարավորություն է ստեղծել Սիրիայ հումանիտար օժանդակությունների առաքման համար»:
Հանդիպման ժամանակ Սերգեյ Լավրովն անդրադառնալով Անկարայում, Ռուսաստանի դեսպանի սպանությանն ասել է.. «Այս ոճրագործությունը Մոսկվային առավել վճռակամ է դարձնում ահաբեկիչների դեմ պայքարի հարցում; Ահաբեկիչները չեն կարող հասնել իրենց նպատակին»:
«Մոսկվան չի հրաժարվելու Սիրիայի օրինական կառավարությանը հովանավորելուց»,-ընդգծել է Լավրովը:
